Karrajua - Artikulua - Comments

Eboluzioa aurrera!

Benito — Sat, 10 May 2008 21:42:10 +0200

Eboluzioari kasu egin behar zaiola diote horiek. Arrazoia edukiko dute igual. Siniestro Totalek aspaldian aldarrikatu zuen:

Aurrera eboluzioa! Kar, kar, kar...

Be water, my friend

Benito — Wed, 07 May 2008 01:02:18 +0200

Malgutasuna, hori da! Be water, my friend.

Bruce Lee-k eman digu pista bat akaso.

Flipatzearena dela eta...

Txelis — Tue, 06 May 2008 22:34:07 +0200

Malguak izan behar diagu, Benito. Malguak.

Lobby-a eta ondo antolatua

leire narbaiza — Tue, 06 May 2008 18:21:01 +0200

Orain oso modan jarri da "hizkuntza autonomikoei" egurra banatzea: Gure umeek ezin dute gaztelaniaz ganoraz ikasi, ez dago aukeratzeko eskubiderik, euskara inposatu egiten zaigu, inork ez du erabiltzen...Horrelako baieztapenak batzuen ahotan dabiltza, eta El Correo españolek indartu egiten ditu.
Eskerrak artikulua luzeegia den! Erdiak bidean aspertuko ziren!
Lobby-arena, baina, uste dut egia dela; edo nahi baduzue kanpaina antolatua. bestela ikusi the Guardian-en zer atera duten http://www.guardian.co.uk/world/2008/may/04/spain
(hemendik atera dut: http://aboutbc.wordpress.com, ez pentsa atzerriko prentsa kuxkuxeatzen ibiltzen naizenik!)
Ez dut uste kointzidentzia hutsa denik!

Lobby-ak

Benito — Tue, 06 May 2008 13:48:03 +0200

Ba, nik dagoeneko ez dut horrelakoekin flipatzen. Lobby-a badago, argi dago aspaldi honetan ekinean dabilela lobby moduko bat Espainian "hizkuntza autonomikoen gehiegikeriak" bere lekura ekarri guran. Katalunian aspaldi dabiltza, Galiziara ere zabaldu ziren, eta EHan azkenak izan gara nonbait.

Zer asmo dabil honen inguruan? Politika kontuak azken batean, eta hartarako pausoen artean honelako usteak eta jarrerak hedatzea.

Hau ez da gerrila, ez. Armada ondo antolatua eta hornitua baino. Argudioak eta diskurtsoa beti berdinak.

4. faktorea, akaso?

Ainhoa — Wed, 23 Apr 2008 19:50:11 +0200

Erantsiko dut, ba, beste bat zerrendarako. Unibertsitatean nolabait behartuta gaude kongresu eta jardunaldietan parte hartzera, gustatu ala ez gustatu, horren arabera zenbatesten baikaituzte. Hala, lotsak galdu beste aukerarik ez dugu unibertsitatean puntuak lortuko baditugu.

Euskaltegietan, ostera, ez da gehiegi baloratzen zenbat hitzaldi edo komunikazio aurkeztu duzun, orduan, zertarako ahalegindu? Zertarako gastatu dirua garraioan, kongresuetako inskripzioetan eta enparauetan? Hala ere, unibertsitatean lanean hasi nintzenean nire harridurarik handiena izan zen ikustea zein ona den euskaltegietan egiten ari den didaktika lana. Beharbada ez gara konturatzen edo gure lana gutxiesten dugu, horregatik ez gara ausartzen honelako plazetan, baina urte askotan pedagogiaren teoriaz mintzatu diren askok urteak daramatzate ikasgela sentitu gabe, teoria perfektuak aurkezten.
Irakasle power harian aipatzen zenaren ildotik, sinetsi egin beharko dugu baliotsuak garela, nahiz eta sozialki (eta ekonomikoki ere) euskaltegiko irakasleen lanbideak hala aitortu ez.

3. faktorea

otto — Wed, 23 Apr 2008 16:34:38 +0200

Bat nator, orokorrean, Benitok aipatzen dituen bi faktoreekin: jende aurrean hitz egitea, gure kulturan, Everest igotzea baino oztopo gogorragoa da gure garapenean; eta konpetentziaren esku informazioa sensiblea uztearenak ere, izango du bere garrantzia baina nago, gaur egun, denok dugula elkarren berri, gutxi-gehiago.

Hirugarren faktore bat aipatu nahi nuke: beti ikasten gaudelako irudia. Izan ere, pentsatzen dut, mota bateko edo besteko proiektu berriekin ausartzen garenean, nolabaiteko pilotaje fase iragangaitzean gaudela. Eta, jakina, Benitok dioen moduan, ikasten ari denak ezer gutxi du esateko, aditu horien aurrean.

Zugatik ez

Benito — Wed, 23 Apr 2008 12:39:24 +0200

Trankil Ainhoa, "kanpotik" horretan ez zaitut zu sartu . Gehiago esan nahi nuen kanpoko munduan zabiltzatenok inguruan inpresio hori berori sumatzen duzuen, alegia, euskaltegietatik gauza gutxi zabaltzen direla.

Nik neuk barrutik inpresio hori daukat. Egia esanda, gure artean gauzak zabaltzeko foro gutxi dauzkagunean, zaila da kanpora ere zabatzea. Moodle-en kasuan adibidez, euskaltegien inguruan hainbat gauza egiten ari direla jakina da.

Gero, aipatu dituzun faktoreei beste batzuk gehituko nizkieke:

Publikoan jarduteko ohitura-konfidantza falta. Foro horiek nahikoa serioak eta formalak izaten dira, eta errespetua ematen diote jende askori. Bere lanak han esan behar direnen aldean ezer gutxi izango delakoan ez da erraz ausartuko.
Gauzak zabaltzeko mesfidantza. Uste dut oraindik ere badagoela "informazio garrantzitsua konpententziaren esku" uztearen sindromea. Oso handia ez seguruenik, baina zerbait badabilela egingo nuke. Bai?

Zer uste duzue zuek?

Beno, egia esan neu utzi

Ainhoa — Wed, 23 Apr 2008 11:32:47 +0200

Beno, egia esan neu utzi nauzu orain pentsatzen... Ez nago ziur "kanpotik" ala "barrutik", non kokatu neure burua.

Euskaltegian lanean pasa ditudan urteetan oso esperientzia politak ikusi ditut, hausnarketa interesgarriak eta material onak. Lankide ikaragarri onak izan ditut inguruan, jakintsuak eta trebeak eskoletan.

Orain unibertsitatean nagoela, ikusten dut jardunaldi eta kongresuetan parte hartzeak garrantzi handia duela lana zabaltze aldera, bestela ahalegin guztia etxe barruan geratzen da.

Zorionez, hau bezalako blogek edo Didakteka bezalako ekimenek aukera ematen dute jakintza hedatzeko, baina askotan, didaktikari lotutako jardunaldietan faltan izaten ditut euskaltegietan egiten diren ekimenen aurkezpenak, euskaltegietatik kanpokoek ere balia dezaten jakintza hori.

Bai, badakit euskaltegietako irakasleon lan-zamak ez duela askorako tarterik ematen :( baina inor animatuko balitz behintzat jakin dezala oso ongietorria izango dela.

Eskerrik asko

Benito — Tue, 22 Apr 2008 19:49:05 +0200

Eskerrik asko Ainhoa, informazioagatik eta gonbidapenagatik. Ea joateko modua daukagun.

Pentsatzen utzi nauzu honekin: "Badakigu euskaltegietan ez dagoela ohitura handirik egindako lana publikoki aurkezteko".

Barrutik hala dela esango nuke, baina kanpotik ere horrela ikusten gaituzte?

Errepasoa egiten ikasten plataforman sartu naiz, baita AEKren E-gelan ere, eta ikastaroak makina bat sortu da azkenotan, ez dakit zelan dabiltzan, baina egin, zerbait egiten da duda barik.

Diferentzia nabarmenak ...

txerra — Tue, 01 Apr 2008 11:25:05 +0200

Beitu, nik kasu bat azaldu nahi dizuet, desberdintasun horiek islatze aldera. Mungian klaseak eman nituen nik. Klasean eskualdeko jendea zegoen batik bat: Mungia, Fruiz, Gatika, Urduliz, Arrieta, Meñaka, ... Ba, klase berean sarri diferentzia ikaragarriak zeuden batetik bestera (garai hartan ez zegoen oraindik HABEren diru-laguntza sistema). Adierazgarria da herri guztietan (Meñaka eta Gatika izan ezik) alderdi bera zegoelako agintean. Batzuek debalde zuten, beste batzuek %15a, beste batzuek erdia eta beste batzuek dena pagatu behar. Eta dena klase berean. Hori ez bada diskriminazioa.....

Diru-laguntzak

Benito — Mon, 31 Mar 2008 16:32:51 +0200

Han eta hemen entzuten direnak entzunda, boteprontoan aterako nuke ondorioa euskara ikasteko aukerak (prezioak eta diru-laguntzak zehazki) ikaragarri aldatzen direla udalerri batetik bestera. HABEk edo bestek ematen dituzten diru-laguntzez gainera udal-laguntzak kopuru eta neurri ugarikoak dira; non ikasten den edo ikaslea non bizi den. Leku batzuetan euskara ia debalde ikasi ahal den bitartean, beste hainbat lekutan (Bilbon berbarako) ia ez dago aparteko diru-laguntzarik (kolektibo edo inguru zehatz batekoa izan ezik).

Txarrena izaten da gehienetan ez dela desberdintasun horiek azaltzeko irizpide argirik: Udal-batza batean halakoa onartu zela, EBPN bestetzutan, edo beste barik alkate edo zinegotzi baten erabakiren bat, utzikeria kasuak ere badaude. Alkatetzan zein alderdi dagoen ere ez da azaltzeko arrazoia izaten: alderdi berak gauza bat leku batean, beste bat beste batean, beste batzuetan espero ez litekeen alderdiak gehiago ematen du espero litekeenak baino. Hau guztia udal euskaltegiak eta euskaltegi pribatuen artekoetan sartu barik.

Muxikan egin duzuen modura, beste leku batzuetan ere alternatibak landu dituzte (Hau adibidez). Bistan dago une honetan diru-laguntza sistemen sareak (sarea barik mataza igual hobeto) ez dizkiela guzti-guztiei aukera berdin-berdinak (EAEtik irten barik) leku guztietan eskaintzen.

Aupa etxepel: Gaizki azaldu

arkaitz zarraga — Mon, 31 Mar 2008 13:02:49 +0200

Aupa etxepel:

Gaizki azaldu omen dut gauzatxo bat. Nik ez dut esan udalek ez dutenik euskara saila edo euskara batzordea izan behar. Argi dago lan asko dagoela egiteko udaletatik. Gehiago esango nuke: ezin da politika bera erabili Andoainen edo Sestaon eta horretarako udalen lana ezinbestekoa da, baina baliabide batzuk goragotik bermatuta egon behar direla uste dut.

Planik ezpadau, eiñ einbirko da

etxepel — Mon, 31 Mar 2008 12:50:47 +0200

Aupa Arkaitz!
Kronika bikainak idazten dituzu, zehaztasun osoarekin. Basauriko Lan Poltsaren ingurukoa irakurrita neuka eta Muxikakoa ez zaio atzean gelditzen.

Mamira joanda, ez dut nik hain argi ikusten zure planteamendu nagusia; hau da, hizkuntzaren normalizazioarena udalen esku ez uztea. Agian zuena bezalako ingurune nagusiki euskaldun batean errazago uler liteke hau. Baina gurean, adibidez (Ezkerraldetik idazten dizut) kontua ez da hain erraza. Hor zeregin nahiko baduzue, imagina ezazu hemen: ia dena dago oraindik egiteko. Egiteko zabal honen barruan, euskalgintzak interlokutore hurbilekoa behar dugu, egunero planteatzen baitzaizkigu egitekoak, ekimenak abar... Benetan normalizazioaren alor hau argi daukan eta ganoraz kudeatu nahi duen Udala (Euskara Zerbitzua) ezinbesteko laguntza da. Honelakorik ez badago, jai daukagu. Baina ez badago edo egin behar duena egiten ez badu, kontua ez da goiko beste instantzia batzuen esku uztea, ohartarazpenak luzatzea eta isunak jartzea baizik, zuk diozun moduan.

Ados Martinekin

etxepel — Mon, 17 Mar 2008 08:40:18 +0100

Konforme zuk esandakoarekin, Benito. Baina, hala ere, Martinek arrazoia duela uste dut. Neuri ere halako zirrara eragin zidan ekimen honen berri izan nuenean, baina ez nuen hitzetara ekartzen jakin. Martinek ondo adierazi duela uste dut.
Ez da orain kontua martxan jarritakoa aldatzea, baina ekimen honen segidan plantea litezkeenei begira, ez da batere ekarpen txarra Martinena.
Egia badiotsuet, asmo txarrez begiratu nahi izango balu norbaitek, izango luke zer kritikatu eta zer "maneiatu".