Karrajua - Foroko eztabaidagia - Comments

Ahaztu barik formazio

Benito — Mon, 25 Jun 2007 14:12:17 +0200

Ahaztu barik formazio "klasikoan" ere teknologiak eduki ditzakeen aplikazio guztiak.

Neu ere bat nator adierazpen

Iñaki Murua — Fri, 22 Jun 2007 14:06:38 +0200

Neu ere bat nator adierazpen horrekin, Benito. On line prestakuntza eta autoformazioa ez dira zertan sinonimo izan behar; berez, autoformazioa IKTek ematen duten aukeretako bat da.

Kaixo Silvia! Ni Zabalara

Zior — Fri, 06 Apr 2007 01:00:54 +0200

Kaixo Silvia! Ni Zabalara joaten naiz eta oso pozik nagoela esan behar dut. Orain arte izan ditudan irakasleak beti jatorrak eta oso lagungarriak izan dira nirekin. Hala ere, nire ezagun bat Gabriel Arestira joan eta bera ere ondo egon zen hara ikasten. Beraz, egia esan, nire ustez ez dago ezberditasun handirik euskaltegien artean.

Esan zidaten Gabriel Arestin tailerrak ere egiten dituztela astero; Zabalan, ordea, ez (batzuei gustatzen zaie tailerrak egitea eta beste batzuei ez).

Beraz, azken finean, tokatzen zaizun taldearen arabera da, zeuri zer gustatzen zaizun arabera eta ikaskideekin eta irakaslearekin nola moldatzen zaren arabera da.

Bilboko euskaltegiak

Karrajua — Fri, 10 Nov 2006 19:04:00 +0100

Euskaltegi eta irakasle onak seguruenik Bilboko euskaltegi guztietan edukiko dituzu. Zer esango dut ba?;-). Ikasle ibili den jendeak emango dizkizu guk baino aholku hobeak eta fidagarriagoak (animo neska-mutilak!). Nire partetik hemen daukazu Bilboko Udalaren webgunean dagoen euskaltegien zerrenda eta haien telefono-helbideak. Ez da laguntza handia izango, baina ongi etorri Bilbora eta zortea EGArekin!

EGA prestatzeko Bilboko Euskaltegi onak

Silvia — Fri, 10 Nov 2006 11:48:00 +0100

Kaixo!!! Iaz Leioako Euskaltegi publikoan egon nintzen EGA prestatzen baina aurten Bilbora jaistera pentsatu dut. Baina ez dut urtea galdu nahi eta horregatik Euskaltegi eta irakasle on bat aurkitu nahi dut. Gustatuko litzaidake jakitea ea ezagutzen duzuen Euskaltegi on bat edo irakasleren on bat. Ni bakarrik arratsaldeko zortzietan joan naiteke. Ezagutzen duzue Bilbo Zaharra, Gabriel Aresti, Zabala eta abar??? Eskerrik asko. Zuen erantzunaren zain, Silvia.

Sarean aurkitutakoa

Karrajua — Fri, 29 Sep 2006 12:38:12 +0200

Sarean artikulu hau aurkitu dut. Gaztelaniaz dago baina azalpen ona ematen du hasteko.

gogoa +

Benito — Mon, 18 Sep 2006 17:03:45 +0200

Euskara irakasleak espezie berria izateko urte askoko bidea eginda dauka dagoeneko eta helduentzako hizkuntz-irakaslea antzinako lanbidea-zer egina da, antzinarotik datorrena.

Seguruenik euskara irakaslea normalizazioren agentea den neurrian une honetan oraindino gogo eta bihotzetik asko beharko du, baina alde horretatik, eta irakaslea den neurrian, zerbait gehiago ere beharko du: prestakuntza, ezagutza eta trebakuntza.

Beste kontu bat HABEk duela hogeita.. urte indarrean jarri zuen arau hori da. Argi dago une hartako saltsetako ondorioa izan zela, bestelako joko eta azpijokoen fruitua, ez langintza honek eskatzen zuen logikarena. Hala ere, arinago edo geroago den-denek onartu zuten. Profesionalizazioa ez dakit hark ala zerk ekarri zuen, baina gaur egun ia euskara irakasle guztiak dira profesionalak, hau da, euren lana egiteagatik sari ekonomikoa jasotzen dute. Beharbada profesional hitza esanahi zabalagora ekarrita, sariaz aparte, prestakuntza eta lanarekiko jarrera ere aipatzen duena, konforme egon naiteke zurekin. Horrek ez du ziurtatzen benetako profesionalak izatea. Benetakoak egon badauden arren, asko egon ere, baina ez dago ezer errekonozitzen dituena.

Hala ere, lege haren ondorioetan, nire ustez, harrigarrienetariko bat tituluazioaren eskakizunarekin batera prestakuntza berezitua garatu ez izana da. Duela urte batzuk unibertsitate mailako diplomatura ibili zen funtzionatzen. Hiruzpalau promozio egon ziren oker ez banago. Titulu batzuk eman zituen. Lehenagotik homologatu barik egon ziren batzuk hala homologatu ziren. Eta derrepentean kendu egin zuten. Gaur arte. Bitartean inork ez du halako formazio biderik berriro aldarrikatu. Areago, gaur egun edozein lanetan ibiltzeko oinarrizko formazioaren eskakizuna gero eta orokorragoa denean, baita unibertsitate mailatik beherago ere.

Gauzak honela, intrusismoaz hitz egitea zaila da. Nor da intrusoa? Nor da irakasle kualifikatua? Zerk frogatzen du kualifikazioa objektiboki? Zer errekonozimendu klase daukate irakasle "onek"? Zer lege...? ...Zer da euskara irakaslea izatea "ofizialki"? EGA (laster 4 maila seguruenik) eta edozein karrera nik dakidala, besterik ez.

Burokratizazioa eta instituzionalizazioa aipatu dituzu. Konforme egon naiteke, baina nire iritzian, larriena gure lanbidea (ez gure soldata) zehazteko eta errekonozitzeko daukagun anabasa da: erakundeen partetik, jendartearen partetik, eta geure partetik ere bai.

Uste dut euskara irakaslea

leia — Sun, 17 Sep 2006 11:16:05 +0200

Uste dut euskara irakaslea espezie berri bat dela irakaskuntzaren munduan. Nire ustez, ikasteko gogoa eta irakasteko gogoa duen edozeinek eman ahal ditu eskolak, bihotza eta ahalegina ipintzen baditu. Nik ez dut uste karrerek profesional onak egiten dituenik halabeharrez, hor dugu, karreradun mediku txar andana edo irakasle txar andana. AEKn genbiltzanok HABE legea sortu zutenean, istorio hau (eta beste batzuk ere) jasan behar izan genuen eta guk "herria irakasle" leloa aldarrikatzen genuen arren beste batzuek ez zuten inolako arazorik HABEk eskatzen zuena itsu-itsuan onartzeko. Arazoaren sorrera hor dago. Jende askok bihotza jartzen zuen euskara eskolak emateko, herritik aterarako irakasleak ziren, euskara maite zuten eta euskara irakasten ikasteko prest zeuden. Legearen ondorioz, euskararen irakaskuntza ez zen profesionalizatu, alderantziz, hein haindi batean burokratizatu eta instituzionalizatu egin zen honek berekin dakarren guztiarekin.Nire ustez, bakoitzak ikusi behar du, profesionala ona den ala ez. Hala ere, eta legeen izaerari jarraikiz zentzu hertsian, nik ez dut ulertzen zergatik hain zorrotz jokatu bazuten euskara eskolak emateko zergatik onartzen den "instrusismo profesionala". Ni medikua ez naizenez ez naiz sartzen medikuntzan eta legeak ez dit uzten medikuntza lanak egiten...beraz....

Behera

Aigor — Tue, 12 Sep 2006 21:01:48 +0200

Urte batzuetan ibili gara ondo, eta nik uste dut orain jaistea tokatzen dela. Ez dut dirua jokatzen, baina ez dut argi ikusten aurten.

Ba elkar ikusi genuen. jeje

Usaia — Fri, 09 Jun 2006 19:29:28 +0200

:) Nik hitz egiten dudanean ikusiko gara esaten dut eta gero idazteko badakit zuzenagoa dela elkar ikusiko dugu. :P

Idazteko bakarrik?

Karrajua — Thu, 08 Jun 2006 16:09:38 +0200

Gramatika ondo idaztearekin bakarrik lotzen da?

Kaixo: Nik uste dut

arantza — Wed, 07 Jun 2006 14:29:51 +0200

Kaixo:
Nik uste dut gramatika irakastea beharrezkoa dela ikasleak ondo idatzi ahal izateko. Hitzegiterako orduan, ordea, desberdina da bakoitzak bere inguruan egiten den euskera hitzegiten duelako

Antzezlana barik kontzertua

Benito — Fri, 02 Jun 2006 21:17:12 +0200

Nik inoiz egin dut musikarien eta euskara irakasleen arteko paralelismoa, eta tipologia batzuk antzeman ditut:

Irakasle sinfonikoa: prestatuta daukan partituratik ez da milimetro bat ere urruntzen. Obra ona edukiz gero arrakasta. Txarra bada, kaput! Apur bat aspergarria gerta daiteke interprete ona ez bada edo errepertorioa noizean behin aldatzen ez badu.
Berbeneroa: klasea hasten denetik amaitu arte dantzan eta algaran gelditu gabe: sueltoa, arrimatekoa, biribilketa, pasodoblea, arin-arin,... Ikasleak gustura ibiltzen dira, baina egun guztia dantzan eta parrandan.... biharamonak gogorrak izan daitezke.
Free jazz: inprobisazioa eta inprobisazioa, aurretiaz ezer prestatu gabe, gehien-gehienez erritmo-oinarria ... Instrumentua ondo kontrolatzen ez badu arriskutsua izan daiteke. "Soloak" behin eta berriro errepikatzeko arriskua dauka. Honen bariantea "bertsolaria" tipoa izan daiteke: botatzen diren gai guztiei kopla pare bat jartzen dizkie.
Folkie: txistua, trikitia, bertsoak, fandangoa, kantuak,... ondo dago euskal kultura zabaltzea, baina batzuetan ikaslea dudan egon daiteke euskaltegian ala dantza taldean apuntatu den.
Heavy-a: ez du atsedenik ematen, kaña, kaña eta kaña, erritmo gogorra, gitarra solo luzeak eta baladarik ez. Ez dute halako txupabeltz tximaluzeak zertan izan.
Mary Poppins: jolasa, jokua, olgetea, txaloak eta korroak. Ume izpiritua berreskuratzen laguntzen du. Gogoangarria.
Raperoa: klase guztia rapeatzen, isildu barik. Ahozko input ugaria emateko aproposena. Lantzean behin feedback apur bat...
Technoa: espezie berria eta urria, baina bideo-proiektorea, dvd-a, ordenagailu eramangarria, mp3-a, powerpoint-a, e-posta eta internet barik gero eta autonomia gutxiago dauka. Honen azpibariantea "geek" klasea: bloga, wikia, pokastina, LMSa eta webdosazero guztia. Top-aren azken postuetatik gorantza doa ziztu bizian.

Enfin, musikan bezala, hemen ere inportateena interpretatzen den sentimendua izaten da, ezta? Ala manager ona edukitzea?

Ez horregatik

Karrajua — Fri, 02 Jun 2006 20:22:40 +0200

Bihar Iruñean:

Ikusiko gara
Elkar ikusiko gara
Ikusiko garete
Ikusiko gaituztete

Kaixo!

Elena — Fri, 02 Jun 2006 19:20:23 +0200

Beraz, ez dago zer eginik erantzun zuzena izango litzateke. Horrelako zerbait agertu zen EGA azterketan eta zuei esker ondo erantzun nuen. Duela astebete mezua irakurri nuen baina ez nuen erantzuteko denborarik.
Bihar IruÃ±era joango naiz, Gernikako berbalagun taldearekin, ea ikusten garen.
Mila esker bioi. Laister arte!