Karrajua - aek - Comments

Atrizioak

Benito — Thu, 19 Feb 2009 13:34:28 +0100

Atrizioa euskarazko hiztegietan bilatuta bestelako adiera batera eramaten gaitu, ikus hemen adibidez. Dena dela adiera internazional horren adibidea aurkitu dugu Wikipedian, begira:

Los Angeleseko saiakuntzak zatiketa erresistenzia neurtzen du eta friabilitate saiakuntzak atrizio erresistentzia.

Hala ere, proposamenak proposamen (eskerrik asko bide batez, Gilen), soziolingusitikan, psikolinguistikan eta halakoetan dabiltzanek ez dute terminoa itzuli dagoeneko?

Bitxia iruditzen zait fenomenoa Euskal Herrian gertatua eta ezaguna izanda orain arte horren itzulpenik ere ez egotea (ez balego).

Atrizioa

Gilen — Thu, 19 Feb 2009 01:50:55 +0100

Ingeleraren bidetik, italierak eta frantsesak bezala, "atrizioa" esatea ez litzateke ezin barkatuzko azioa, nik uste.

Halere, euskarari gagozkiola, "deseuskaldundu" eta "deseuskalduntze" nahiko ezagunak dira, ezta?

Bestela, zentzu orokorrean, "hizkuntzagabetu" eta "hizkuntzagabetze" edo esan genezake.

Hizkuntza ahaztu ala galdu?

txerra — Thu, 12 Feb 2009 09:47:52 +0100

Zuk aipatzen duzu askotan hizkuntza ahaztu egin zitzaidala esaten dutela horiek. Nik ere sarritan entzun dut hizkuntza galdu egin dutela esaten. Ez dakit, Zalbidek ere antzeko egoeratan gesaldu erabiltzen du (ez nau betetzen horrek ere) eta galduk ere beste konnotazio batzuk izan ditzake. Ez dugu arazoa konponduko, baina oinarri batzuk jarri bai, ezta?

Hizkuntza ahaztea

Benito — Wed, 11 Feb 2009 17:56:44 +0100

Bai, kostatzen da euskaraz edo Euskal Herrian dokumentazioa aurkitzea, egongo da zerbait akaso, baina deigarria egiten zait literatura gehiago ez egotea, hemen sarri gertatu den fenomenoa baita.

Bidaia intimoak-en kontatzen diren bi kasu horien modukoak seguru denok ezagutu ditugula, urrun joan barik euskaltegietan txikitako euskara ahaztu eta berreskuratu nahi duen jendea sarri izan dugu adibidez.

Izenari dagokionez, ez dakit zer izendapen tekniko eman dakiokeen "attrition" horri -itzulpen horiek neu ere ez naute asetzen- baina berbeta korrientean "ahaztu" berba da ohikoena: "Eskolara joan eta ahaztu egin nuen", "Txikitan banekien, baina gero ahaztu egin zitzaidan"... "Hizkuntzaren ahanztura" termino teknikoa izateko lar poetikoa ematen du hala ere.

Badirudi "attrition" hori bi alderditatik aztertu dela gehien bat. Alde batetik ama-hizkuntzaren galera (H1), bereziki beste lurralde batera joandako emigranteen kasuan. Eta bestetik bigarren hizkuntzarena (H2), hizkuntza ikasleak "ikasitakoa" zelan galtzen duen. Hizkuntza minorizatuen artean fenomeno ezaguna dela ematen du bestalde.

Argi dago faktore sozialak eta soziolinguistikoek dutela eragina galera horretan, baina aldi berean, ama-hizkuntzaren galera zer egoeratan gertatzen den eta "gogoratzeko" modurik ba ote dagoen galdera interesgarriak dira.

Edozelan ere, argi dago ama-hizkuntza edo txikitan jasotako hizkuntza bat ahaztu egin ahal dela, edo ahaztu delako pertzepzioa gerta daitekela behinik behin. Transmisioaz hainbeste hitz egiten den sasoi honetan beharbada transmisioa ziurtatzeaz gainera, transmisio hori "atxikigarria" izateko modua ere bilatu beharko da.

Hizkuntza ahitzea/higatzea

txerra — Wed, 11 Feb 2009 15:14:08 +0100

Neuk ere ez dut ikusi kontzeptu hori euskaraz emana (ezta gaztelaniaz edo katalanez ere). Morrisen begiratuta attrition ahitze edo higatze moduan ekartzen du, baina bi horiek ere ez naute asetzen ....

Language attrition

Benito — Tue, 10 Feb 2009 20:56:45 +0100

Norbanakoak hizkuntza bat galtzeari (ama-hizkuntza dela, L2 dela) Language Attrition deitzen zaio ingelesez (ez dut euskaraz edo inguruko erdaretan ezer topatu oraingoz). Wikipedian duzue honetaz irakurtzeko abiapuntua: ingelesez edo italieraz adibidez.

Badirudi honi buruzko ikerketak eta azterketak nahikoa berriak direla oro har. Azken hamarkadetan eman zaio arreta nonbait. Hizkuntzaren eskurapenaren kontrako prozesua edo fenomenoa dela esan daiteke, Jesus Mari edo Mixeleri txikitan gertatu zitzaiena hain zuzen ere, ama-hizkuntza "ahaztea".

Wikipediako artikutik azken ondorio moduko hau ekarriko dut:

Learners motivated to keep their attriting L1 or L2 may very well maintain it (galbidean duten H1 edo H2 mantentzeko motibatuta dauden ikasleek ez lukete gordetzeko aparteko arazorik izan behar)

Eta kontuz kontzeptuekin, Mikel Zalbidek ohartarazten digun bezala:

Nolanahi ere, gauza bat izan behar genuke argi: ingelesez ere ez direla gauza berberak language change, language shift, language attrition, language loss eta language death.

Ikastaroaz

Benito — Thu, 11 Dec 2008 20:19:04 +0100

Nik neuk ez dut uste ikastaroan lan askorik egingo dudanik, lankide batzuen artean eramango dute (Arana kapitainaren kastakoa naizela uste dut, je, je, je...), igoal kolaborazioren bat edo tutoretzaren bat egingo dut, baina ez da segurua.

Ikastaro hau gehien bat irakasle inoiz jardun ez dutenentzat dago pentsatuta, lanean hasteko moduan jartzeko, oinarrizko ikastaroa.

Ez dakit zurearen moduko errodajea daukazuenontzat apur bat light ez ote den izango. Dena dela, ikastaroa egitera animatzen bazara, pozgarria izango da, duda barik.

Oso berri interesgarria

Iñaki Calvo — Thu, 11 Dec 2008 19:39:55 +0100

Iepa, Benito!

Zuk ikastaro honetan lan egingo al duzu? Ideia bikaina iruditzen zait, izan ere, ikastaroan izen emateko aukera aztertzen ari naiz.

Agur!

Netvibesen

Benito — Mon, 17 Nov 2008 21:03:49 +0100

Netvibesekin atondu dugu ataritxoa: http://www.netvibes.com/bontxi#Korrika_16

Kolore guztiak

Benito — Mon, 17 Nov 2008 20:25:41 +0100

Hemen daude kolore guztiak.

Ondo etorriak sarera

Benito — Mon, 17 Nov 2008 20:15:10 +0100

Patxi Gaztelumendik Twitter-en bota duen modura:

Ondo etorriak, euskaraz bizi garenon sarera

Ongi etorri, ongi ibili, ongi erabili, ongi hartu, ongi eman...

Igor Elordui — Mon, 17 Nov 2008 19:06:47 +0100

Aupa Beni, zuri eta gainontzekoei esker Korrika 16.0!!!

(PD.-ri erantzunez)Korrika 16-k kolorerik ez du falta/faltako ba! (To!)

(PD2.-ri erantzunez)Ongi etorri euskaraz gozatzeko, lan egiteko, maitatzeko, saltzeko eta erosteko, negar egiteko, jolasteko… hautua egin dugunon herrira!

ERAGINKORTASUNA

otto — Fri, 16 May 2008 08:16:57 +0200

Hori da aurrerapena!

Iruñezar euskaltegiko metodoak aintzat hartzekoak, benetan; urte betean horrelako aurrerapenak lortzen badituzte... gainontzekook ez dakit nora gauden begira.

Oso ondo dago, agian

arkaitz zarraga azurmendi — Thu, 15 May 2008 21:50:38 +0200

Oso ondo dago, agian txapelketa plantea daiteke!!

Tronpak

Benito — Thu, 15 May 2008 11:20:22 +0200

Gainera auzotik irten gabe... Aupa Santutxu!