Karrajua - euskaldunberriak - Comments

Hileta jotzen

Benito — Thu, 23 Oct 2008 13:31:53 +0200

Blogen heriotzaz aspaldian dabiltza sarean. Sare sozialek kendu(ko) dietela lekua, web3.0arekin ez dakit zer pasatuko dela...Zer izango den ez dakigu, eta egia esanda neuri ez dit aparteko ezinegonik sortzen.

Kontua komunikazioa da, eta segapoto zaharrak ez badu balio, berria topatuko dugu eskaintzaren batean edo bestean, debalde gainera erraz. Karrajuak orain bere lekua topatu behar du (berriro), eta ez badu aurkitzen, ba, pena handiarekin, baina Residentzira eroan beharko dugu.

Baina ezin duguna galdu memoria-txartelean daukagun kontaktuen zerrenda da.

Icaro Moyano

Plisti plasta — Thu, 23 Oct 2008 08:39:58 +0200

Begira zer dioen gaur Icaro Moyanok (La Tejedoraren sortzailea , kazetaria eta sare sozialetan aditua) 20 minutosen:

'Azkenean onenek bakarrik iraungo dute'

Zorionez, komunitatedun kalitatezko blogek soilik iraungo dute, berezko edukidunek eta ez zarataren aldeko apustu egiten dutenek. Besteentzat, berriz, bestelakoa izango da etorkizuna, Madrilen inprenta heldu zen garaiko prentsaren antzekoa. Garai hartan oparo eta aparretan aritu ziren baina itsasoak behera egiten duenean onenek bakarrik irauten dute. Elkarrizketa, jada, ez dago blogetan, berau jendea bene- benetan dabilen lekuetara joan zaigu, sare sozialetara, alegia.

Hori horrela bada, dudarik ez izan lagunok, iraun egingo du Karrajuak (zuoi esker, ni neu parkinsonak jota nabil azkenaldian ;-)) Aldi berean, Euskara Irakasleak bezalako sareetan ere izango dugu zer esan eta norekin aritu.

Icarok ez digu ikararik sortzen, ezta?

Neuri esango didazu...

Benito — Thu, 23 Oct 2008 01:25:56 +0200

Zelako kaosa den hori gobernatzea. Administratzaile postua enkantera aterako dut laster.

Ez izan zalantzarik

Aitor — Wed, 22 Oct 2008 22:47:04 +0200

Ez izan zalantzarik, Beni: Primerako ekimena da abian jarri duzuna ("duguna" nahi baduzu, megalomanian erortzeko tentaziotik libratzearren, kar, kar) Ez daukat esku nahiko txalotzeko egiten ari zaren lana. Lasai alde horretatik.

KOntua da norbera (hau da, ni neu) koadrikulatu samarra naizela eta "kaosak" urduri jartzen nauela. (Gogoratzen duzu Karraju honetarako ere, ez oso aspaldi, orden pizka bat eskatzen nizula, mezuak hobeto bistaratzeko?) Eta gaur berriro sartu naizenean, kaosaren sentsazioa eman didala euskarairakasleak-ek: ez dakit zenbat foro, zenbat eztabaidagai, partaide-talde... Dena jarraitu nahi izaten dut, baina ezin. Dena interesgarria, baina "flanko" gehiegi muturra sartzeko. Eta hori, hasi besterik egin ez denean! Baina esan dizudanez, arazo partikularra da. Astia ateratzen dudanean, arloren bat edo beste aukeratu, eta hortxe ekingo diot.

Bitartean, segi aurrera, lagun!

Megalomania

Karrajua — Wed, 22 Oct 2008 19:40:06 +0200

Kar, kar... ez nau harritzen ez ulertzeak, malaletxearekin apur bat kriptikoa izan naiz eta.

Funtsean, nekatuta nagoela euskalgintzan orokorrean -eta gurean ere bai- batzuek txorrada, tontakeria, pitokeria eta halakoak banatzeko daukaten bizioarekin. Gauza handiak zer diren eta zeintzuk ez eurek dakite, baita "inportantea" zer den ere, eta "inportantea" betikoa izaten da, eurena askotan, kasualitatez.

Eta neure ustez, horren atzetik gauza bi daude:

Errealitatea ikusteko ezintasuna. Azalean eta itxuran geratzea, ikusgarrian eta espektakularrean.
Erronka eta arazo berriei (eta ez hain berriei) heltzeko ikuspegi eta gogo falta.

Ez dakit, zerbait argitu dizut? Bestela galdetu beldur barik. Seguru nago zeuri ere inoiz halako sentsazioren bat etorri zaizula.

Bestalde, Euskara Irakasleak-i dagokionez, ez dakit ondo zure hitzak zelan interpretatu (neuk ere ez dizut ondo ulertu nonbait ), ez dakit hain zuzen ere "tuta" horiekin balorazio ona ala txarra egiten duzun. Hau da, "Hau kakanahastea baino ez da" edo "A ze saltsa dabil hemen!".

Edozelan ere, honako gauza batekin zer espero daitekeen pentsatu behar dugu. Parte hartzea nahi bada, adiera topiko eta tipikoenean, ez harritu kaosa badago: jende asko, interes gehiago, gauzak esateko gogoa, eztabaidak, gai ugari... Ez genuen hori nahi ba? Jende asko ibiltzea? Ba, jende asko dabilenean, hori gertatzen da, zaila da dena kontrolatzea.

Arazoa da zelan lortu daitekeen hortik probetxua ateratzea. Mugatzen bagara norberaren harrikadak botatzera, gauzak eskatzera eta bazterrak nahastera, ezer eman barik, inoren ekarpenak jaso barik, ematen den apurra eskertu eta hari ezer gehitu barik... Ba, erre eta nekatzen gara, ez dago probetxurik eta sarea urtu egiten da.

Nik neuk ez dut oso argi izan zer izan zitekeen, honako gauzak martxan ikusi arte zaila izaten da eta. Momentuz, ondorio pare bat baino ezin dut atera:

Badago euskara irakasleen artean komunikazioa sustatzeko interesa eta motibazioa daukan jendea. Zerbait esan nahi duen jendea eta aportatzeko daukan jendea Uste baino gehiago (gaur 33 partaide gara). Egia esanda, nik neuk ez nuen hainbeste espero.
Honako sare batek ez ditu gure arazo guztiak konponduko, berak bakarrik behintzat. Gurea konplexu da oso, eta hori guztia bideratzeko laguntzatxo bat baino ez bada pozik egon gaitezke.

Megalomania ipini diot iruzkinari izenburu, hain zuzen ere megalomaniaren aurpegi bi topatu ditugu: Gauza handiak eta jende asko nahi ditugu. Horrek kalteak ere ekartzen ditu: txikia gutxiestea batetik, eta gobernatu ezineko munstruoak bestetik.

Ez dut ondo ulertu

aitor — Wed, 22 Oct 2008 18:34:39 +0200

Parkatu, Benito, baina ez dizut ondo harrapatu zer esan nahi duzun honekin guztiarekin. Agian "espeso" samar nabil. Badakit tartean dagoela atzerriko hizkuntza batean laguntzaileak direnek 700na euro kobratzen dutela; bestetik, Teo izeneko batek Erramun Osak Bizkaie-n duen blogean utzirik "perla"... Baina denen arteko saski-naski honetan galdu egin naiz. Argitzerik?

Bestalde, txundituta, gainezkatuta,.... (eta beste -tuta asko) euskarairakasleak-ek hartzen ari den martxak: hainbeste hari-mutur., hainbeste arlo, azpi-sailen erdian, jota gelditzen ari naiz. Bizpahiru astetan nahiko lanpeturik ibiliko naiz eta dauakdan tarte laburretan ez dakit zeri oratu. Uste dut kontenplatzailearena egingo dudala bolada honetan.

Ebaluazioa

Benito — Thu, 17 Jan 2008 20:29:41 +0100

Bueno, teorian batzuen nahiz besteen jarduna galbahe honetatik pasatzea da kontua.

Ba niri ez zait gustatu ...

txerra — Thu, 17 Jan 2008 17:34:17 +0100

Ba niri ez zait gustatu Mendigurenek erabiltzen duen tonoa, ez zait gustatu bat ere. Betiko jatorrismoan erortzen dela iruditzen zait. Nik ezagutzen ditut primeran eta jariotasunez berba egiten duten hainbat "euskaldunberri"k (terminoa erabiltzea be, delitu). Eta baita horren ondo moldatzen ez den beste hainbat "euskaldunzahar" ere. Nik ez dakit non kokatu, nire adinarekin oraindik ez naiz zahar, baina ezta berria ere.A zenolako dilema!!!!

Euskaldun berri zaharrak batu gaitezen!!!!

Beste iritzi bat

Karrajua — Sun, 11 Nov 2007 01:38:49 +0100

Urtzi Urrutikoetxearen artikulua gaurko Berrian

Iepale ba!

Benito — Wed, 07 Nov 2007 17:29:10 +0100

Mc:

Bai, aipua atera dut artikulutik, ez dakit horri "nabarmentzea" deitu ahal zaion hala ere.

Euskara ikastearekin lotutako pasartea da hain zuzen ere, polemikoa begitandu zait eta horregatik ipini dut hemen, aztertzeko, eta nahi izanez gero, egurra emateko, txalotzeko edo komentatzeko (zeuk egin duzun modura).

Dena dela ez niri leporatzerik leporatu, ez baitut (oraingoz) inoren lepora ezer bota. Eta gainera ez dut uste kontua inoren lepoan karga gehiago ipinita konponduko denik. Ezta Jaurlaritxaren lepoan ere akaso.

Hori bai, hiztunok "hiztun" izango bagara, presioaz gain beste zerbait ere egin beharko dugu, ezta?

Gu al gara arduradun bakarrak?

John McArron — Wed, 07 Nov 2007 16:46:57 +0100

Iepale! Benito, Benito... Zu ere euskararen egoera diglosikoa eta gutxitua euskal hiztunei leporatu nahian? Hori da behintzat artikulutik nabarmendu duzuna... Ene, ene... Oso esaldi polita zen hura, nola zen...? Hara: "Hizkuntza bat ez da galtzen ez dakitenek ikasten ez dutelako, dakitenek hitz egiten ez dutelako, baizik." Bada, EZ NAGO ADOS. Bueno, neurri batean bai, baina ezin dugu gai horrekin geure burua zigortu behin eta berriro. Alegia, hizkuntza bat ez da galtzen lege babesa, babes ekonomikoa eta abar dituenean, baina horrez gain, hiztun batzuk ere behar ditu bere atzean. Esaldi horrekin bai, ados nago (ah, kontua da ni ez naizela poeta; beharbada esaldia findu beharko nuke, jaja...). Gure egoeran, euskarari babes ekonomikoa eta legala emateko egoeran dagoenak salbatu beharko luke euskara, usease, Jaurlaritxak (Gobierno de Navarrak edota Department des Pyrenees Atlantiquesekoak ez baitute egingo, of course!). Eta gu, hiztunok, Jaurlaritxari presioa egiteko elementuak baino ez gara, geuk bideratu behar dugu Jaurlaritxa euskara salbatzera, berak aspaldi erakutsi baitzuen hori ez dela lehentasuna (sosik ematen ez duenez...).
Ale puex, beste bat arte...

Gaiari buelta pare bat emateko

Benito — Tue, 06 Nov 2007 16:42:50 +0100

Ikasten ari direnak, erabilera, pixka bat asko ala gutxi den.... kontu hauetaz hausnartzen jarraitzeko egunotan hedabideetan agertu diren hiru erreferentzia:

Ensenyar la llengua Katalana, ispilu bat non begiratu. Miel Anjel Elustondoren artikulua Argian. Joan Soláren Ensenyar la llengua liburuaren karietara.
XXI. menderako hizkuntza politikea. Erramun Osaren mezua Izioqui dugu... blogean. Mezuak berak baina erantzunek ere merezi dute arreta pixka bat.
¿Minorizar, hacer desaparecer o normalizar el uso del euskara? Tomas Trifolen artikulua Garan. Hausnarketa polita egin du gaztelaniaz. Aipu bat:

No es menos malo ese hábito, bastante común entre muchos hablantes de lenguas minorizadas y donde el vascohablante de lengua materna se lleva al menos una de las palmas de entre todas las lenguas minorizadas, esa maldita costumbre de hablarte o responderte en castellano en cuanto oyen que tu euskara es diferente, es decir, que no es el de la comarca o que, simplemente, demuestras ciertas dificultades en la expresión. Esto para cualquier lengua es catastrófico, tan catastrófico como haber bajado la guardia en la normalización lingüística, tanto los individuos como las instituciones.

Gaiak jokoa ematen du ba. Animoa!

NIRE USTEZ, KANPAINA ONARTEZINA DA

John McArron — Tue, 06 Nov 2007 13:06:49 +0100

Sentitzen dut, Benito. Ez dut kanpaina honen aldeko mezu positibo bakar bat ere ez. Nola igor daiteke halako mezu sinplea? Alegia, erdaldunek (batere mesprezurik gabe, baina euskara ikasteko ahaleginik egin ez dutenek) erabiltzen dute "Pixka bat" erantzun hori geuk, pringatuok, "Euskaraz badakizu?" galdetzen dugun bakoitzean. Eta erantzun horren atzean egon ohi dena hutsaren hurrengoa izaten da gehienetan, beren burua zuritzeko esaldia baino ez da, "eskerrikasko", "kaiso", "agur", "bai" eta "es" esatea bezalaXE. Horixe bera: PIXKA BAT. Euskaltegian kanpainaren aurkezpenerako gonbidapena "tuneatu" dugu eta halaxe utzi dugu, DIN A-3 tamainan:

PIXKA BAT ES MUCHO.
(BAINA EZ DA NAHIKOA)

Kanpainak asmo ona izan dezake (nire zalantzak ditut, Jaurlaritxarena izaki), baina mezu hori ezin da helarazi, 2. urrats batera iristearekin nahikoa dela helarazten baitiogu euskara ikasten hasi denari.

Bai, baina ...

txerra — Mon, 05 Nov 2007 13:36:39 +0100

Oro har, kanpaina ona da, mezu egokiak eta abar. Gauzatxo bat, baina: ondo dago, baina bideak ere eskaini ahal ziren mucho hori pixka bat bihurtzeko. Adibidez, mintzapraktika programak. Horien bidez, jende askok lotsa eta konplexuak galdu egiten ditu, laguntzarekin gainera. Kontzientziatu ondo dago, baina hizkuntza ohiturak aldatzeko sarritan ez da nahikoa. Tabakoa utzi nahi, baian ezin. Euskaraz berba egin gura, baina ezin.

Trankil ba! Estimatuta dago

Benito — Tue, 05 Dec 2006 17:31:54 +0100

Trankil ba! Estimatuta dago eta gainera, esan duzun bezala, gauza interesgarriak topatzeko bidea eman didazu. Momentuz zaharrena Irigarairena, hark asmatu ote zuen? Ez dut uste, pseudoarana horrekin hanka sartuta ere, terminoaren jatorria susmatzen dut ez dela hortik urrun ibiliko.