Karrajua - baliabideak - Comments

Laguntza & eskerrak

Josi — Fri, 21 Nov 2008 10:10:05 +0100

Egia da Bontxi:
ilusioarekin ekin diot lanari; eta ikusita zenbat jende dagoen (zaudeten) laguntzeko prest, zer_eginari gogo gehiagorekin ekingo diot.
Eskerrak eman nahi dizkizut post hau idazteagatik, eta sortuko duen "mobida sozialagatik" ere.
Karrajuan aurrera eramango dugu "harri" hau; baina askoren artean luma bat bezala izango da!
Segi horrela
Js
http://udaberrigaldua.blogspot.com/2008/11/100-lora-biltzeko-asmoa.html

Maisuaren berbak

Benito — Thu, 10 Jan 2008 20:27:27 +0100

Jode Patxo, eskerrik asko loreengatik, baina maisuen maisu horrekin mendi baten puntan tenplua ipini eta han zutabe baten gainean jezarrita diszipuluei sabidulentzia banatzeko gogoa eman didazu. Honela edo:

Gainera, erreferentziaren norabidea hemendik aurrera alderantzizkoa izango dela susmatzen dut.

Eskerrak

Patxo Landa — Thu, 10 Jan 2008 12:51:12 +0100

Maisuen maisua!
Zurea bai lan ikaragarria: sortu, antolatu, hausnartu, agoantatu... eta gainera zabaldu. Ezin da gehiago eskatu blog batean.
Guretzat hasieratik erreferentzia izan den blog batean, gainera.
Eskerrik asko, benetan.

Joe, nire izen-abizenak

Ainhoa — Wed, 19 Sep 2007 00:24:51 +0200

Joe, nire izen-abizenak horrela ikusteak lotsa pixka bat ere ematen dit... Baina bai, garbi dago konpartitzeko ordua heldu dela. Blog hau bera oso adibide ona iruditzen zait.

Materialen konpartitzearen kontua ez dut uste bakarrik kultura edo teknologia kontua denik, azken batean orain doan egiten ari naiz lehen ordainpean egiten nuen lan bat, materialen ekoizpenarena, alegia. Gustatzen zait konpartitzea, asko, baina hori ere kontuan hartu behar da, batez ere euskaltegietan dugun soldata eskasetik asko daukala badakigunean.

Bestalde, euskaltegietako langileok inoiz ez dugu planteatu gure lana aberasteko, beraz, hori azkenean gure alde :D Betidanik mugitu gaitu euskararekiko eta euskara irakastearekiko maitasunak.

Oraingoz EGA prestatzeko ikastaro baten gabiltza lanean, nik beste bizpahiru ikastaro ditut diseinu fasean konpartitzeko, Administrazioko 2HE eta 4HE lantzeko... Boluntarioak ongietorriak izango dira, inor lehenengo urratsetarako? Nik horretan ez dut eskarmentu nahikoa.

Mila esker ondoren iritsi garenoi bidea zabaltzeagatik.

0708 kanpaina eta doakoak

Maite — Tue, 18 Sep 2007 23:48:36 +0200

Aupa, berriz!

Ni erabat prest biltzeko eta ditugunak mahai gainean jartzeko, ideiak botatzeko, jasotzeko...kolaboratzeko. Eta teknologia arloan ere txirriki-txarraka aurrera goazenez, ba, horri ere gero eta beldur gutxiago; beraz, hitzordua jartzea besterik ez dugu! Ainhoa eta biok hasita gaude zerbaitetan baina sei begi lau baino hobeto, ezta? :-) :-)

Deialdia

Benito — Tue, 18 Sep 2007 12:52:01 +0200

Mezuarekin azken batean halako deialdia egin nahi izan dut zurekin kolaboratzeko. Ainhoa Ezeizak ere bota zuen aspaldian erronka.

Zeuk esan duzu, jendea asko dabil eskarmetu handiarekin EGA ikastaroetan. Ikastaroa diseinatzeko ez ezik, materialak eta ideiak konpartitzeko ere asko eman dezakeena.

Animatzeko baina, bi oztopo gainditu beharko dira: konpartitzeko ohitura falta, eta teknologiaren beldurra.

Ea inor animatzen den hesiok apurtzen.

...eta zuk segi horrela, e!

Aupa, Benito! Ez dakizu zuk

Maite — Tue, 18 Sep 2007 11:26:18 +0200

Aupa, Benito!

Ez dakizu zuk ondo zenbat estimatuko nukeen, zuk diozun bezala, euskaltegietako irakasleekin lankidetza! Eskarmentu handia alfabetatze lanetan, ikuspuntu ezberdina (ikasteko-erakusteko baldintzak ere halaxe direlako) eta urteetan ekoizten joan zareten material didaktiko guztiz interesgarria...Zenbat daukagun ikasteko, ezta? ;-)

Eta, hori bai, ez dezala inork pentsa guk egiten dugunarekin inori ogia kenduko diogunik (ekoiztutako guztia beti gehigarri gisa erabilia izateko sortua da). Irakaslearen presentzia erabat ordezkatua izatetik lekutan gaude! :-)

Aupa tu!

Benito — Thu, 13 Sep 2007 19:55:28 +0200

Kasualitatea edo, baina gaur ETBkoek AupaTu ipini dute martxan. Modan ipini ditugu Digg-en klonak? Zabalduren klonak hobeto esanda.

Lizentzia?

Benito — Mon, 10 Sep 2007 16:18:01 +0200

Didaktekan ez dut ikusi testuen lizentziari buruzko informaziorik. Copyright-a daukate? CC litzentziaren baten menpean daude?

ideiei lehenengo buelta

Benito — Sat, 30 Jun 2007 01:40:18 +0200

Letra beltzean ipini dituzunei erreparatuta, burura datozkidan batzuk:

Ibilbide osoko bloga mantentzea aspaldion erabili den beste kontzeptu batekin erlazionatu dut: portfolio elektronikoa. Ideia interesgarria da, baina ondo garatu beharrekoa. Konektibismoaren ikurretako bat da nonbait. Galdera pare bat okurritzen zaizkit. Gure ikasleek une honetan prozesua ezagutzeko eta ebaluatzeko portofolio digitala egiteko ahaleginari ekiteko besteko interes-gogorik ote daukate? Geu ere prest gaude horrek eskatzen digun ahaleginari ekiteko?
Bloga ekintzak-proiektuak garatzeko tresna, alfabetizazio digitala. Guk AEKn aspaldi erabili genuen kulturgintzaren kontzeptuaren oinarrian zeuden kontu bi etorri zaizkit gogora: alfabetizazioa bera (Paulo Freireren ideiekin oso lotua), eta kultur produkzioa, hau da, norberak komunitatean eragiteko gauzak plazaratzea eta publikatzea. Blogak eta IKTek ate asko ireki dituzte horretarako, publikazioa ez da duela hogeita urte bezain konplexua, baina, aldi berean, orduko arazo batzuk ere hor daude: ikaslea publikatzeko motibatzea, horretarako hizkuntza lantzea, gai-kontestu-zer eginak horretarako topatzea. Kulturgintzaren kontzeptuari berriro nonbait heltzea komeni litekeela esan nuen Bat-eko artikuluan, nola heldu da kontua.
Edukiak eta eskubideak. Hor dago giltzarrietako bat nire ustez. Bi kontu. Alde batetik askok pentsatzen dute ikasmaterialak paperean publikatu, saldu eta dirua egiteko modua dela, gurea bezalako kontestu batean utopiatik urrun ez dagoena, eta beste batzuek eurek egiten dutena ez duela publikatzea merezi ere egiten, horretarako aditu, teknikari, materialgile profesionala-edo izan behar dela. Software librea eraldatzen hasi den ikuspegia gurera ere zabaldu beharra dago, azken baten, lehengo eguneko "tertulian" horixe izan zen ideia nagusietako bat. Guztiok ari gara egunero galdera berari erantzun guran, komunikazio eta kolaborazio barik, gauzak zabalduz gero, ez litzateke errazago izango?
Second Life-ekin Twitter-en antzera gertatzen zait, hor dabil, gero eta handiagoa da kontua, eta kostatzen da aplikaziorik ikustea, baina egon, egon egin behar dira hainbeste erabiltzen badira.

Ideiak

Josu — Thu, 28 Jun 2007 12:53:38 +0200

Maite IKTeroak Espiral sarien bueltako kronikan:

* Ikasleek txikitatik hasi eta ikasle ibilbide osoan blog bat mantentzea. Imajinatu zein aberasgarria litzatekeen ikasle bakoitzaren garapena ikusteko! Buelta gehiago eman beharko zaio ideia honi baina niri asko gustatu zitzaidan.

* Gure ikasleei euren eskura dauden baliabide guztiak modu arduratsuan erabiltzen erakustea (ikasleek ikastetxea uzten dutenean, jakin dezatela zein tresna erabil dezaketen jakintza kolektiboki eta arduraz eraikitzeko).

* Blogaren erabilera alfabetizazio digitala lortzeko (blogaren bitartez, beste eduki eta gai batzuk lantzen ari garen bitartean, zeharka gure ikasleen alfabetizazio digitala lor dezakegu).

* Ikasle zein irakasleei erantzukizun morala eskatu eta edukien lizentziari buruz kontzientziatu (saretik zerbait jasotzen duzunean, sortzailearen aipamen egokia egin beharra eta jasotakoaren truke zuk ere zerbait ematea…)

* Second life esperientziari etekina ateratzea ikasleengana hurbiltzeko.

Ideia asko eta probetxugarriak geurera ekarriz gero, ezta? (letra lodiak nireak dira)

Atera eta zabaldu

Benito — Sat, 09 Dec 2006 19:05:00 +0100

Ez dakit fotokopiagailuaren errua izan ote den. Argitaletxeek merkatua nahi dute, eta ez dakit guk norainoko merkatua eskaintzen diegun, eurek etortzen ez badira ez dute aukera handirik ikusiko nonbait. Bestalde, gurean atera gutxi, baina sortu, sortzen dela uste dut. Ikasbil hor dabil, IKAk material gehiago egin ei du, AEKn materialgintza taldea dabil lanean. "Ateratzea" da kontua, baina gaur egun zerbait paperean edo multimedian merkaturatzeak edizio-maketazio-inpresio kosto handiak dakartza, eta horri gaineratzen badizkiogu teknologiak ahalbidetu dituen aukera eta jokaera berriak, ezer era "klasikoan" argitaratzea pentsatzeko kontua da duda barik.
Arazoa, nire ustez, ez da Durangoko apalen urritasuna, baizik eta "ateratzeko" zer daukagun eta zer eduki beharko genukeen ondo zehaztea batetik, eta "atera" nahi den hori zabaltzeko estrategia egokiak eta gaurkotuak aurkitzea bestetik. Eta "atera" nahi izatea bera ere jakina.

fotokopiagailua

plisti-plasta — Fri, 08 Dec 2006 21:42:54 +0100

Ez ote zituen fotokopiagailuak argitaletxeak gugandik apurtxo bat urrundu?
Hezkuntzaren arloan argitaletxeek lan handia egin dute kurrikulum berria zabaltzeko. Gurean, aldiz, ez da horrelakorik gertatu eta ez dugu sare alternatiborik eraiki oraingoz.
Fotokopigailuaren errua ala hemen bakoitzak bereari baino ez diola begiratzen ala biak batera?
Oker nabil, akaso. Kontua da aspaldian ez dela material askotxorik atera eta ni neu behintzat kezkatzen hasia nago.

Bai, egia esanda geurea

Karrajua — Fri, 17 Nov 2006 16:26:20 +0100

Bai, egia esanda geurea kontatzeko presarekin kontua nondik datorren ondo azaldu gabe utzi dut. Badakizu, blogeoaren azelerazioa. Eskerrik asko azalpenagatik. Ikerketa horren zain geratzen gara. Lehenago zerbait aurreratzen ez badiguzue behintzat.

emandako informazioa osatuz

IÃ±aki Murua — Fri, 17 Nov 2006 14:41:46 +0100

Benito, ematen duzun informazioa osatze aldera:

Egitasmoa eta Memoria taldea 2002ko abenduan jarri zen abian HABEren Irakaslearen gunean, plan zabalago baten baitan; lau urteko ibilbidea du, alegia. Hau honela, eraberritzearen emaitza da aipatzen duzun Erakunde Planteamenduak lan-taldea.
Erakunde hezitzaile bakoitzak izendatu ditu bere ordezkariak "Egitasmoa eta memoria" taldean orain arte. Bestela esanda, partaidetza borondatezkoa izan da. Alderdi honetan ez dago oraingoz aldaketarik: taldea itxia izango da baina atxikitzea askea.
Hausnarketarako tarteak izan ditugu urteotan eta, besteak beste, partaidetzaren inguruko ikerketa burutu dugu aurtengo udaberrian. Ikerketa horren berri HIZPIDE aldizkarian ateratzear dago. Hartu diren erabakietarako baliagarri izateaz gain, kanpoko foroetan izan du oihartzunik, EDUTEC kongresuan esaterako.

Adeitasunez,

Iñaki Murua