Karrajua - azterketak - Comments

Gainditzea, mailak, urratsak....

Benito — Mon, 22 Sep 2008 00:57:52 +0200

Neuk ere izan dut halako sentsazioa. Komunikatibotasunaren erreibidinkazio antzeko zerbait dabil, baina harira joateko orduan mailak, gainditzea, ebaluazioa, konbalidazioa, notak... Azalekoan geratzen da erreibindikazio hori azken batean.

Edozelan ere, beste fenomeno bat gehitu behar zaio honi guztiari, irakasleak "nota" bat ipini beharra, hau da, zorioneko "urratsak". Duela gutxi, adibidez, Bilboko Udalaren gurasoentzako kanpaina honetan baldintza hau agertu zen diru-laguntzak eskuratzeko:

eta, azkenik, laguntzinoa eskuratzen jarraitzeko gitxienez bi urrats gainditzea kurtso bakotxean'.

Urratsak zer eta zertako diren argitu beharko da egunen batean, horretaz ere jardun beharko dugu inoiz.

Robertori erantzuten edo...

Aitor — Sun, 21 Sep 2008 23:19:39 +0200

Ezer baino lehen eskerrak eman nahi dizkiot Robertori eta zoriondu, bide batez, artikulu hau idazten egindako esfortzu eta ahalegin intelektualagatik, eta bertan guztiontzat iradokitzaileak eta mamitsuak diren gaiak proposatzeagatik. Ildo honetatik, arraroa begitandu zait orain arte beste inorlerro batzuk idaztera animatu ez izana, planteatutako gaiek guztiok, nola edo hala, ukitzen baikaituzte. Akaso opor osteko sindromeagatik edo...

"Azterketitisak jota"k eragin didan bigarren inpresio orokorra hauxe litzateke: sendagileak, azkenean, sendatu nahi zuen gaixotasunak jota edo kutsatatuta amaitu du. Izan ere, deialdien murrizketa, atariko proba baten premia, agiri guztien iraungipena... eta antzeko kontuak planteatzearekin batera, indar, pisu eta garrantzi handiagoa ematen diela azterketei iruditzen zait.

Bestetik, sinetsita nago emandako urratsa (hau da, titulu edo agirien homologazioa), azken batean, azterketitisaren antidotorik onenetarikoa izango dela, bai baitirudi behar den titulazioa akreditatzeko bidea erraztuko duela eta euskararen inguruan (gizarte sektore jakin batek edo sentsibilitate ideologiko batek hauspotuta) zabaldu den halako mantu iluna uxatzen ere lagunduko duela. Hala espero dut nik, behintzat.

Honek guztiak, bestalde, ez du alde batera uzten Robertok, bere gogoetaren hondarrean planteatzen duen, dagoeneko karraju honetan erabili izan dugun beste gai hori: irakasleon betebeharra edo funtzioa. Euskara irakatsi, azterketara bideratu... hori ote da gure zeregin bakarra edo nagusia? Ezezkoan nago, baina hori ezin da lan-hitzarmen batean inposatu. Hori bizi egin behar da/dugu. Eta, gainera, beste hau ere uste dut: gaur egun euskaltegietara hurbiltzen zaizkigun ikasle asko (Joseba Erkiziak hilaren 12ko agerraldian gehienak ez direla aipatu bazuen ere)agiriren baten bila hurbiltzen direla. Agiri hori edo dena delako helburu hori lortzen modurik profesionalenean laguntzea izan daiteke ikasle hori bigarren urrats batean euskaltzaletzeko. Baina beren helburuak aintzat hartu gabe (edo, are gehiago, kritikatuz) uste dut ez dugula ezertxo ere lortuko.

Dena den, jokaera arau-emale edo gramatika-zentrista hori deskribatzeko "gu" baten izenean mintzo da Roberto. Ez dakit datu nahikorik izango duen jarrera edo joera hori horren zabal agertzeko.

Azkenik, Robertoren beste ideia baten inguruko gogoeta labur bat egin nahi nuke. "Egiaztapenak berak giltzarri izan beharko luke euskaltegian matrikulatzerakoan." Adibidez, ekainean edo irailean ikasle batek 2. mailako azterketa gaindituko ez balu, ezin izango litzateke matrikulatu hurrengo ikasturtean 3. mailarako. Ez dut uste irizpide hau zuzena denik. Euskaltegiko ebaluazioak eta HABErenak independienteak izaten jarraitu behar dutela uste dut. Orain arteko bidean IVAP edo IRALEko hizkuntz eskakizunen bat, edo EGA bera ez gainditzeak ez dio inoiz inori hurrengo maila baterako bidea itxi euskaltegian. Kasu honetan argi esaten da halako eta halako maila gaindituta izan behar duela ikasle batek maila bereko agiriren bat akreditatzeko azterketara aurkeztu ahal izateko. Ez luke zentzurik izango euskaltegian aprobatutako maila bat ondoren desaprobatzea HABEren azterketa ez gainditzeagatik. Gainera, edonork izan lezake egun txarren bat eta nerbioek ere beren eragina izan lezakete azterketari batengan. Hori bai, euskaltegiak-irakasleak ahalik eta bermerik handienarekin eman beharko lioke azterketa hori egiteko aukera. Horretarako ahalik eta irizpiderik argienekin jokatu beharra dugu euskaltegietan.

Beste ideia askotan bat nator Robertorekin (izendapenean lortu behar den batasunean, euskaltegi eta HABEren arteko koordinazio estuagoan, duela urte askotako emaitzetan oinarritutako historialen desegokitasunean...) Eskerrak adierazi nahi diziot berriro, egindako hausnarketagatik eta berau plazaratzen izandako adoreagatik.

Errekurtsoak

Benito — Tue, 20 May 2008 23:11:54 +0200

Ba, blogean erabiltzen dituzun errekurtsoen erdiak erabilita erraz gaindituko zenuen, laguna. Ez zinen neskatoekin distraituko, ezta?

Eta idazlana kendu eta blogean idatzi duzun kronika aurkezten badugu?

Leioatik dator notizia

aitor — Mon, 19 May 2008 17:02:31 +0200

Ni ez nintzen bertan izan; gure ikasleek ere ez zuten bertaratu behar izan, baina, entzun dudanez, izan ziren arazo bat baino gehiago, entzutezko ulermeneko soinuaren kalitate txarra, besteak beste.

Ondo, txarto... Ez dakit,

flap — Mon, 19 May 2008 12:53:34 +0200

Ondo, txarto...
Ez dakit, nahiz eta entzumena eta irakurmena ondo egin ( Hori uste dut behintzat ) Idazlana ez zait atera batere fin...nahiko petral ibili naiz. Gainera errekurtso gutxi erabili dut, ez dakit bada zer pasatuko den...
Gauza batzuk azpimarratzeko:
BATA: Mutil bat et biok bakar-bakarrikan emakumeen artean.
BIGA: Gehienak 20 urte edo, ni baino gazteagoak...

HABE, what HABE?

Benito — Fri, 16 May 2008 14:22:20 +0200

Zuen zorionen bilduma guztiarekin nor akordatzen da HABErekin ba?

Azterketak :-(

Josu — Fri, 16 May 2008 12:48:03 +0200

Azterketak, azterketak eta azterketak... Kontu hauekin oso lanpetuta daudenez, ahaztu egin zaie HABEkoei Karrajuak lortu duen saria aipatzea Ikasbilen. 11 ikusteko!

Alfabetatze....

Benito — Wed, 20 Feb 2008 19:39:32 +0100

Baten bati entzun nion aspaldian AEKren izenetik zergatik ez dugun "A" hori kentzen, dagoeneko ez omen dago-eta ia alfabetatu beharrik.

Hara! "A" barik "E" kendu beharko dugu lehenago.

Iep. Bo, nik, behintzat zure

bea — Wed, 20 Feb 2008 18:40:48 +0100

Iep. Bo, nik, behintzat zure c testa gaingitzen dut erres ee!! Horrek ez baitu erran nahi nire gaztelera erakasteko anbizioa bapatean hanpatu denik ez eta ere, gaia ikusita, nire burua asko nortxatu dudanik.

Gaiarekin segitzeko ez dakit zertan diren gauzak hizkuntza mailari dagokionez zuen aldetik bainan hemen bai datuak harrigarriak direla: 10 pertsonetatik batek ez omen daki irakurtzen (zerbait deszifratzen baizik, horien artean gehienek 25 urtez petik dituzte, eta idazmen mailaren sasi neurketa bat egin zen egunean (Hezkunde Nazionalak berak bideraturik) emaitzak ez ziren ez eta publiko egin ere ez.

Horrek gogorarazten dit nola Baionako erakasle nintzelarik, gure taldean zegoen bat gurekin ikasi zuena irakurtzen...euskaraz. Eta gu harro... pentsatu gabe hori ez zitzaiola oso funtzionala izanen bainan bai pentsatuz gu bezalako miserable andana batek hezkuntza sistema oso batek inoiz lortu ez zuena lortu genuela.
Eta seguraski hau bat izanen da besteen artean. Dislexiko parrasta bat ere zuzenduko genuen...

Gora euskal herri alfabetatua!! Egunkariak irakurtzen dakiena bainan ezin duena...

Kalitatea

Benito — Wed, 20 Feb 2008 17:34:12 +0100

Honako gauzak irakurrita euskararen arazoen artean hizkuntzaren kalitatearena (interpretazio ohikoenean: zuzentasuna, aberastasuna eta abar) benetan hain handia den pentsatzen jartzen naiz.

Proba egin dezagun

Benito — Wed, 20 Feb 2008 14:03:58 +0100

Gure gaztelania-maila zelakoa da?

Mañana, día 20 de febrero, se cumplirán cinco años desde que la Guardia Civil irrumpiera en las oficinas del diario Euskaldunon Egunkaria y procediera a su cierre, siguiendo las órdenes del juez Juan del Olmo. El gr--- de ap--- a l-- procesados p-- el ca-- Egunkaria y a- propio dia--- han reco----- aquel fatí---- día y h-- presentado u- manif----- haciendo u- llamamiento a l- ciudadanía pa-- que n- olv--- el ca--. Este inter------ blog recu---- lo suce---- y ale--- sobre s-- sombrías consec------.

Erantzuna hemen.

Metodologia eta beste

Benito — Thu, 15 Nov 2007 01:25:09 +0100

Nik neuk ez daukat informazio handirik emateko, baina dakidan apurragatik gaikuntza didaktiko horren arrazoietako bat 4. mailan erabiltzen den ildo metodologikoa izan daiteke. Bronckart-en testu-arkitekturan oinarritutako bidea diseinatu da eta hari jarraitzen zaio. HIZPIDE 57rako Pello Esnalek eta Lurdes Elosegik idatzi zuten Euskaltegi-kurrikuluak egiteko jardunbide bat artikuluan dugu nondik-norakoen azalpena.

4. maila honetarako ildo didaktikoa ere markatuta dago nonbait. Oso zehaztuta dator alegia, irakasle zehatzek euskaltegi zehatzetan, metodologia zehatza... Edo, nahiago badugu, orain artekoaren aldean oso desberdin antolatu da. Ez dakit gero kontrol didaktikoa norainokoa izango den baina bide hori hartu dela ematen du.

Aipatu dituzun kontu pare baten inguruan, taldeak eta erabilera, boteprontoan neuk ere eskaintza hori gauzatzeko arazoak ikusten ditut, taldeak egitea ez da erraza izango hainbat lekutan, are gutxiago talde homogeneoak lortzea.

Goi-mailako trebakuntza honetan uste dut eskakizuna bestelakoa izan daitekeela hain zuzen ere: norbanakakoarena, sakabanatua eta egin beharrarekin oso lotua.

Talde klasikoentzat gainera ez dut uste alternatiba bakarra ikastaroen on-line eskaintza denik, aukera bat da, baina eskaintza (eta eskaria) "ikastaro" kontzeptutik harago doa beharbada: tutoretza, lanpostuko hizkuntz-artapena, baliabide bankuak... Ikasteko eta trebatzeko eskaintza anitza eta modularra akaso. Horixe, igual modernoegi nabil, baina hizkuntza lantzeko ikastaroa+titulua bikotea da gainditu behar dena beharbada.

Inoiz aipatu dugu azkenotan loratzen dabilen kontzeptu bat: trebakuntza. Egia da ez dela beti 4. mailarekin parekatzekoa, baina profesional askok seguruenik gurago lukete euren lanerako behar den hizkuntz-gaitasuna eskuratzea titulu berria baino.

Honegatik eta beste gauza batzuengatik, dudan nago 4. maila hau normalizazioan aurrera egiteko benetan behar duguna ote den.

Geroak erranen.

Txantxarik ez

plisti-plasta — Wed, 14 Nov 2007 18:00:46 +0100

Txantxak alde batera utzita badira 4. maila dela eta, kezkatzen nauten pare bat kontutxo:

Orain arte euskaltegi guztiek eta irakasle guztiek izan dute edozein maila emateko gaitasuna baina hemendik aurrera eta laugarren mailari dagokionean ez. Laugarren maila irakasle gaituek bakarrik eman ahal izango baitute, antza.
Konforme nago 4. maila emateko hizkuntzaren aldetiko gaitasuna eskatzearekin. Ez litzateke oso bidezkoa izango laugarren maila ez daukan batek maila hori ematea. Baina gaitasun didaktiko berezia ere eskatzen zaio eta galdera da: 4. maila emateko 1. maila emateko baino gaitasun didaktiko handiagoa behar al da? Finean ez al da hau maila altuen sobrebalorazioa eta maila baxuen gutxiestea?
Datuetara etorrita, porrotik handiena lehenengo mailan ematen da. Beraz, hortxe jarri beharko genuke azpimarra didaktikoa. Bestalde, lojikak esaten dit laugarren mailan dagoen ikasleak lehenengo mailan dagoenak baino askosaz garatuago dituela estrategia kognitiboak eta txikiagoa dela behar duen laguntza didaktikoa.
Badirudi espezializazioaren aldeko apustua egin nahi dela baina oso espezializazio konpartimentatua da hau: laugarren mailako irakaslea, hirugarrenekoa... Nik neuk nahiago nuke espezializazio transbertsalagoa eta trebetasunei begirakoa.
Zeri begirako hobekuntza eskainiko zaio ikasleari? Hizkuntzari begirakoa (testualitatea...) edo/ eta beronen erabilerari begirakoa; bere lanerako trebatze espezifikoa, adib.?
Trebatze espezifikoari begira: nekez lortuko ditugu abokatu edo ekonomilari talde homogeneoak. Aurreikusita al dago horrelako lana ahalbidera lezakeen on-line inplementazioa?
Materialgintza euskaltegi bakoitzaren esku utziko da ala badago ekimen bateratuagoren bat abiatzeko asmorik?
Azterketa eta proiektua (bere lanbideari lotua?) izango al dira ikaslea ebaluatzeko tresnak?

Nahikoa gaurkoz, normala ere bada gauza berrien aurrean zalantzatsu ibiltzea. Eskertuko nuke baten batek informazio zabalagoa emango baligu. Banoa horrela izan dadin Buen Vistako Ama Birjinari beste kandela bat piztera.

Kandela!!!

Benito — Wed, 14 Nov 2007 01:15:38 +0100

Joe, Plisti, zurea mamuak eta defuntuak ikusteko fazilidadea! Ez da hori ba!

Kandelak batean eta kandelak bestean, asoziazio mentala egin eta derrepentean ¡Candelaaaaaaaaaaaaaaa! entzun duzu, segidan hauek guztiak hasi dira jotzen.... Eta hantxe denok ipurdia eta gerria meneatzen....

Zer dela eta? 4. maila eman digute!!!! ¡Candelaaaaaaaa!

Benitoren irudiak

plisti-plasta — Tue, 13 Nov 2007 19:55:48 +0100

Hotzikara sentiarazi didazu Benito, joer!

Filtroak mezuko irudia handitu eta ustetan F letrak zirenak gelatinazko laukietan harrapatutako gizakiak direla konturatu naiz (hura metafora!).

4. maila emango diguten edo ez horren amaierako ikonoak izpiritu txinar lepamoztua ematen du: innocent jartzen du gainera (hori metafora!).

Eta bukatzeko laugarren mailako kandela horiek hilkutxa argiztatzen dutela dirudi. Gainean jarri eta HABEren orrira garamatzate, Gogoan izan sailera gainera (hau metafora!)

Hotzikara sentiarazi didazu Benito, joer!