Karrajua - agiriak - Comments

Gainditzea, mailak, urratsak....

Benito — Mon, 22 Sep 2008 00:57:52 +0200

Neuk ere izan dut halako sentsazioa. Komunikatibotasunaren erreibidinkazio antzeko zerbait dabil, baina harira joateko orduan mailak, gainditzea, ebaluazioa, konbalidazioa, notak... Azalekoan geratzen da erreibindikazio hori azken batean.

Edozelan ere, beste fenomeno bat gehitu behar zaio honi guztiari, irakasleak "nota" bat ipini beharra, hau da, zorioneko "urratsak". Duela gutxi, adibidez, Bilboko Udalaren gurasoentzako kanpaina honetan baldintza hau agertu zen diru-laguntzak eskuratzeko:

eta, azkenik, laguntzinoa eskuratzen jarraitzeko gitxienez bi urrats gainditzea kurtso bakotxean'.

Urratsak zer eta zertako diren argitu beharko da egunen batean, horretaz ere jardun beharko dugu inoiz.

Robertori erantzuten edo...

Aitor — Sun, 21 Sep 2008 23:19:39 +0200

Ezer baino lehen eskerrak eman nahi dizkiot Robertori eta zoriondu, bide batez, artikulu hau idazten egindako esfortzu eta ahalegin intelektualagatik, eta bertan guztiontzat iradokitzaileak eta mamitsuak diren gaiak proposatzeagatik. Ildo honetatik, arraroa begitandu zait orain arte beste inorlerro batzuk idaztera animatu ez izana, planteatutako gaiek guztiok, nola edo hala, ukitzen baikaituzte. Akaso opor osteko sindromeagatik edo...

"Azterketitisak jota"k eragin didan bigarren inpresio orokorra hauxe litzateke: sendagileak, azkenean, sendatu nahi zuen gaixotasunak jota edo kutsatatuta amaitu du. Izan ere, deialdien murrizketa, atariko proba baten premia, agiri guztien iraungipena... eta antzeko kontuak planteatzearekin batera, indar, pisu eta garrantzi handiagoa ematen diela azterketei iruditzen zait.

Bestetik, sinetsita nago emandako urratsa (hau da, titulu edo agirien homologazioa), azken batean, azterketitisaren antidotorik onenetarikoa izango dela, bai baitirudi behar den titulazioa akreditatzeko bidea erraztuko duela eta euskararen inguruan (gizarte sektore jakin batek edo sentsibilitate ideologiko batek hauspotuta) zabaldu den halako mantu iluna uxatzen ere lagunduko duela. Hala espero dut nik, behintzat.

Honek guztiak, bestalde, ez du alde batera uzten Robertok, bere gogoetaren hondarrean planteatzen duen, dagoeneko karraju honetan erabili izan dugun beste gai hori: irakasleon betebeharra edo funtzioa. Euskara irakatsi, azterketara bideratu... hori ote da gure zeregin bakarra edo nagusia? Ezezkoan nago, baina hori ezin da lan-hitzarmen batean inposatu. Hori bizi egin behar da/dugu. Eta, gainera, beste hau ere uste dut: gaur egun euskaltegietara hurbiltzen zaizkigun ikasle asko (Joseba Erkiziak hilaren 12ko agerraldian gehienak ez direla aipatu bazuen ere)agiriren baten bila hurbiltzen direla. Agiri hori edo dena delako helburu hori lortzen modurik profesionalenean laguntzea izan daiteke ikasle hori bigarren urrats batean euskaltzaletzeko. Baina beren helburuak aintzat hartu gabe (edo, are gehiago, kritikatuz) uste dut ez dugula ezertxo ere lortuko.

Dena den, jokaera arau-emale edo gramatika-zentrista hori deskribatzeko "gu" baten izenean mintzo da Roberto. Ez dakit datu nahikorik izango duen jarrera edo joera hori horren zabal agertzeko.

Azkenik, Robertoren beste ideia baten inguruko gogoeta labur bat egin nahi nuke. "Egiaztapenak berak giltzarri izan beharko luke euskaltegian matrikulatzerakoan." Adibidez, ekainean edo irailean ikasle batek 2. mailako azterketa gaindituko ez balu, ezin izango litzateke matrikulatu hurrengo ikasturtean 3. mailarako. Ez dut uste irizpide hau zuzena denik. Euskaltegiko ebaluazioak eta HABErenak independienteak izaten jarraitu behar dutela uste dut. Orain arteko bidean IVAP edo IRALEko hizkuntz eskakizunen bat, edo EGA bera ez gainditzeak ez dio inoiz inori hurrengo maila baterako bidea itxi euskaltegian. Kasu honetan argi esaten da halako eta halako maila gaindituta izan behar duela ikasle batek maila bereko agiriren bat akreditatzeko azterketara aurkeztu ahal izateko. Ez luke zentzurik izango euskaltegian aprobatutako maila bat ondoren desaprobatzea HABEren azterketa ez gainditzeagatik. Gainera, edonork izan lezake egun txarren bat eta nerbioek ere beren eragina izan lezakete azterketari batengan. Hori bai, euskaltegiak-irakasleak ahalik eta bermerik handienarekin eman beharko lioke azterketa hori egiteko aukera. Horretarako ahalik eta irizpiderik argienekin jokatu beharra dugu euskaltegietan.

Beste ideia askotan bat nator Robertorekin (izendapenean lortu behar den batasunean, euskaltegi eta HABEren arteko koordinazio estuagoan, duela urte askotako emaitzetan oinarritutako historialen desegokitasunean...) Eskerrak adierazi nahi diziot berriro, egindako hausnarketagatik eta berau plazaratzen izandako adoreagatik.

epala, Niri iruditzen zait

arkaitz zarraga — Fri, 25 Apr 2008 11:25:20 +0200

epala,

Niri iruditzen zait EEMBren filosofia barik, tituluen izendapena baino ez dutela erabili. Argi dago zenbait gauza hobetuko direla, neuk ere argi utzi dut nire ustez hainbeste azterketa egoteak oso jarrera txarrak eragiten dituela, baina... azterketa gutxiago egongo dira ala orain guztietara joateko bidea zabalduko da? programatzioetan igarriko da? ebaluazio sistema sakonki aldatuko dute? ikasle bakoitzaren premiak eta etorkizunean izango dituen komunikazio egoeren aurrean estrategikoki aritzeko bideak landuko dira? Uste dut azaleko erabakia dela. Harritzen nau euskaltegiek zein azkar eman dioten ongi etorria neurriari, bestelako hausnarketa sakonagorik egin gabe esan nahi dut. Por tzierto, zenbat denbora da ez zaretela Eudkalduntze Alfabetatzeari buruzko edo sektore horretatik sortutako jardunaldi, mintegi edo taolerren batera joan? euskaltegi bakoitzak edo sare bakoitzak antolatzen dituenez gain esan nahi dut. Aurrekoan Ikastolek antolatutako jardunaldi pedagogikoetan esan zutenez, irakaskuntza sistema berrirako urratsa emateko (gaitasunetan edo atazak konpontzean oinarritutako irakaskutnzarakoa) 10 urte behar direla esan zuten, irakasleen egokitzapenean batez ere!!

Arkaitz

Dena dago ikuskizun

Aitor — Wed, 23 Apr 2008 10:49:35 +0200

Aupa Otto!
Aurreko mezuan nioenez, hipotesi bata da bertan planteatzen dudana. Dena den, badakigu orain artekoak eman duena: moskeo asko, haserre handia, euskaratik urrundu.. hau guztia hiritar askorengan. Ikus dezagun aurrerantzean zer gertatzen den. Gaua bat (ia) seguru daukat: okerrerako ez da izango

Eta alderantziz bada?

otto — Mon, 21 Apr 2008 15:50:18 +0200

Argi dago Benitok ez lukeela aspiragailu askorik salduko, etxez etxe ibiliko balitz.

Eta Aitorrek dioenaren harira, ez al zaigu kontrakoa gertatuko? Hau da, ez al da gertatuko herritarrari, hizkuntzaren presioa desagertu, edo behintzat, malgutu egiten denean, euskararen beharra arindu egingo zaiola?

Presiopean egoteak kontrako jarrerak bultzatzen ditu, baina presiorik ez balego...

Ona da, bai horixe!

aitor — Mon, 21 Apr 2008 10:33:34 +0200

Nik neurearekin jarraitzen dut. Ona da, zalantzarik gabe. Zenbateraino ona? Hori ez dago jakiterik. Edonola ere, berriaren ontasuna (eta ondasuna) ez nuke tituluetara mugatuko (baina horrexegatik ere badela uste dut) Beste alde bat erantsi nahi nioke: orain arte herritar askorengan euskara gaindiezintzat (edo gaindizailtzat) ikusteak edo sentitzeak eragindako amorrua, moskeoa... baretzeko bidean egon litekeela uste dut. Behin tituluaren traba eta trauma gaindituta, beste ikuspegi batetik hel liezaioke euskarari. Baina hau, hipotesia da. Zuzenean egongo ahal naiz! Datozen urteek argituko dute kontua.

Emozioa

Benito — Mon, 21 Apr 2008 03:12:49 +0200

Albiste ona izan, bada. Orain arteko tituluen anabasan ordena apur bat ipintzea sikieran. Bide batez, ikas-prozesuan zehar mugarri gehiago ezartzea eta haiei onarpen publikoa ematea ere ez da gutxi.

Orain, horrekin jendeak euskara erosoago eta gusturago ikaskiko duena, hori ez dut uste tituluen menpe dagoenik. Akaso, irakasleontzat norabidea finkatzen laguntzeko erreferentzia izan daiteke, akaso ikaslearentzat helburuak finkatzeko markoa... Baina arriskuak eta erronkak ere badaude: azterketari begira jardun behar izatea, ebaluazioan sakontzea, programa funtzionalagoen beharra...

Suposatzen dut hori guztia denok daukagula gogoan. Batzuetan albiste onekin emozioak gainditu egiten gaitu.

Oraindik ez dut belarriondokorik edo kokotekorik hartu. Pentatu behar dut ez dudala hainbesteko astakeriarik bota.

Ai!

Belarondokoak belarrondoko,

Txelis — Fri, 18 Apr 2008 20:22:31 +0200

Belarondokoak belarrondoko, neuk ere ez dakit Benito. Ez dakit.

eta hemendik

Benito — Thu, 17 Apr 2008 19:30:24 +0200

Gauza bat lanpostu baterako eskatzen den profil zehatza da (konpetentzia profesionala esan dezagun), eta beste bat lanpostu horretarako legez ezarrita dagoen hizkuntz eskakizuna. Legez administrazioko lanpostu guztiei dagokie hizkuntz-profil bat, eta profil hori zerrendako bat (1, 2, 3 edo 4.a) izan behar da. Zure lanpostuan halako hizkuntz-profila eman behar baduzu, epe batean profil hori egiaztatzen duen agiria eskuratu beharko duzu. Horrela izaten da.

Beraz, lanpostua eskuratzeko horretarako eskatzen den profil profesionalekin batera (ikasketak, prestakuntza, konpetentziak...), hizkuntz-profila ere behar da.

Dena dela, hemen ere ez ezazu pentsa tituluen saltsa horren zentzua denok ulertzen dugunik.

ados

bea — Thu, 17 Apr 2008 18:46:47 +0200

Orduan zertarako hainbeste agiri desberdin?
Dinot gauza ona da jakitea zeinek zertarako balio duen, zeren lekuko den, bainan konbalidazioak ez ote du gainditzen batak eta besteak suposatzen duen perfil berezitasuna, hizkuntza mailako gaitasunetik hara? Perfilearena ez ote da gelditzen bigarren mailan?
Suposatzen dut dekretua gauza bat izanen dela bainan hori ez dela hitzez hitz aplikatuko denik. Pratika seguraski beste zerbait izanen da, bata ala bestea eskatuz lanpostuaren perfilaren arabera eta ez bakarrik oinarrituz hizkuntza mailaren gauzan.
Hala ere, hor zerbait dago arraroa ematen duena. Hemendik ikusita behintzat.

Erantzuna edo

Benito — Thu, 17 Apr 2008 18:22:23 +0200

Dekretu hau indarrean dagoen unetik erakunde batean haietariko bat eskatzen badizute, haren parekidea den beste batekin joanez gero, konbalidatu egin beharko lizukete. Adibidez, administrazioan IVAPen 2. HE eskatzen bada, eta zuk HABEren 2. maila badaukazu, horrekin ere aurkeztu ahal izango zara.

Orain aipatu duzu EAEtik kanpo emandako EGA agiria. Dekretuan ez dut horren aipamenik aurkitu, baina suposatzen dut Nafarroan edo Iparraldean EGA eskuratuta, orain arte EAEko EGArekin baliokidetu bada, hemendik aurrera ere horrela izango dela, hau da, Iparraldeko EGArekin EAEko EGA, HABEren 3. maila edo IVAPeko 3. HEaren pareko titulua izango duzula. Ez dakit seguru baina. Inork zehaztapen gehiago baleuka.

Gogoratu dekretu hau Araban, Bizkaian eta Gipuzkoan baino ez dagoela indarrean.

galdera pare bat

bea — Thu, 17 Apr 2008 16:23:59 +0200

Tituluen omologazioarena, nire ikuspegitik gauza ona izanen da. Berez izan zitezkeen duda eta mesfidantzak baztertuko dituelako. Hemendik ikusita behintzat, istorio horiek loteria besterik ez zuten ematen, ea nork zein agiri behar eta zeinek balio zeinek ez, zertarako... Zenbat sail eta beste hainbeste agiri mota.
Kuadrorik eza eta ekibalentzia suposatuak besterik ez izateak, ulergaitza bilakarazten baitzuen istorioa. Agiriek adierazten duten hizkuntza mailaren definizioa eginik zen, hori ez da gutxi eta ez da denetan hala gertatzen, bainan aniztasun horrek...duda frango sortzen ahal zuen.

Hala ere, ikusita panorama galdera pare bat burura etortzen zait.
Azkenean edozein sailetan lan eginik ere, agiri horietarik bat (baliokide direnen arteko bat) ukanez gero, edozein sailetako lanpostutara aurkezten ahal dut nire burua. Ez? Nahiz eta, hizkuntz gaitasun mailan parekideak izan, bakoitzak bere berezitasuna izanen du. Ez? Orduan IVAPek ematen duen bat lortzen badut, beste sailetan balioko dit. Horrek zalantza eta jelosiak sortuko ditu jendeen artean...

Bestalde, Bidasoaren honaindian, orain artekoan, banatu da titulu bat "EGA" deitzen dena ere bai. Orain arte, hegoaldean ematen zenaren balio bera izaten zuen, edo bederen ber heinekotzat onartua zen(horregatik jende anitzek, batzuk, errelatiboa baita kopurua, azterketa hemen prestatu eta pasatzen zuen)
Titulu honek EGA izena du, izana hain zehatza ez badu ere, azken batean garai bateko D mailako titulua baita, gaurregungoan C1 mailako gaitasuna aitortzen du beraz. Baliokidetasun sistemarekin, EGA duela zenbait urte lortu nuenez, eta dekretu horrek hori ez duenez zalantzan ematen, bidea irekitzen dit ere, edozein sailetako agiri horietarik baten baliokide gisa erabiltzeko? Horrek erran nahi luke bihar goizean Cva igortzen ahal dudala, eta beste zenbait baldintza betez gero, lanpostua ukan....
Kasu,... ausardia piska bat gehiago banu...

hezkuntza dela eta

aitor — Thu, 17 Apr 2008 16:20:27 +0200

Aupa Josu! Aurreko mezuan uste dut zerbait aipatzen dudala zuk egiten duzun galdera nagusi horren inguruan.

Dena den,nahiz eta Jaurlaritza edo Gobernu bereko sailak izan, sailotako ardura duten alderdiak ez dira berak. Horrek azal lezake zerbait. Jokaerak, esparru askotan, ezberdinak dira. Oraingo kasu honetan argi ikusten da. Beste batzuetan ere bai; adibidez, Kontseiluarekiko hartu emanak, askoz ere zabalagoak Hezkuntzaren partetik; itxiagoak Kulturatik. Eta horrela beste kontu batzuk.

Edonola ere, alderdi eta politikaren gainetik (edo batera) pertsonak ere badaude, eta berauen inplikazioa, eraginkortasuna...

Atzoko mezua berriro irakurri dut eta erasokor samarra iruditu zait. Beraz, politikak eta eraginkortasunak aparte, gogoan ditut kasu honetan (Hizkuntza Eskolarenean) kaltetu zuzenak diren hiritar eta ikasleak; eta baita irakasleak ere.

Azkenik, asko poztu nau gaur Berria-n irakurtzeak berri hau.

Honetaz edo antzeko zerbaitetaz ari nintzen aurreko mezuetan. Honen falta nabaritzen nuen.

Hezkuntza

Josu — Thu, 17 Apr 2008 15:09:26 +0200

Hasieran esan zitzaigun "ondo bidean" 2007ko uztailerako etorriko zela. Tira, 2008ko apirilean etorri da. Ondo. Zer dela eta sinistu behar dugu sei hilabete barru lortuko dutela Hezkuntza ere biltzea? Zergatik orain arte ez?
Ulertu ezin dudana zera da: alderdi bereko administrazio bereko alor bereko eginkizun bereko sail desberdinen arteko jelosiak, mesfidantzak... Ez dut orain ulertzen, orain arteko hogeita piku urteotan ulertu ez dudan bezala; baina tira, ez naiz inoiz oso azkarra izan eta igual horregatik izango da. Baliteke.

Aurreko dekretuak

Benito — Thu, 17 Apr 2008 01:24:29 +0200

EAEko Hizkuntz Eskola Ofizialen webgunean berriz, hau irakur daiteke:

Hizkuntza Eskolako euskara tituluen baliokidetasuna- Goi Zikloko edo Gaitasun Mailako ziurtagiriak eta EGAk balio bera dute. (1998ko urriaren 6ko 263 dekretua; Euskal Herriko Buletin Ofizialean, urriaren 23an)
- Eusko Jaurlaritzak ondoko titulu-parekatzeak egiten ditu erakunde publikoetako langileentzat:

Hizkuntza Eskola Ofizialeko 4. mailako ziurtagiria eta Hezkuntzako PL1 eta Euskal Administrazio Publikoko PL2 balio berekoak dira.

Goi Zikloko edo Gaitasun Mailako ziurtagiria eta Hezkuntzako PL2 eta Euskal Administrazio Publikoko PL3 balio berekoak dira.

Hemen daukazue orduko dekretua (pdf). Oraingo dekretu honekin indargabetuta geratuko da hori guztia seguruenik, baina dirudienez EGA eta HEOen 5. maila parekideak izan dira ofizialki.

Lotura pare bat gehiago:

Hizkuntza Eskola Ofiziala arriskuan (Zu Kazetari - EITB)
Miles de ‘euskaldunes’ temen perder su título de Escuela de Idiomas (20 minutos)