Karrajua - euskaltegiak - Comments

Klasikoak

Josu — Thu, 19 Jun 2008 14:18:28 +0200

Ba, zer nahi duzue esatea, lagunok, nik uste dut, gustuak gorabehera, nolabait "klasiko"tzat jo daitekeen liburua aukeratu beharko litzatekeela. "Guero" izan behar den, "Linguae Vasconum Primitiae" edo beste bat, ba, eztabaidatu liteke. Baina hemen bakoitza hasten bada:

-Nik "Hamaika pauso"
-Ba, nik "Etiopia"
-Nik, "Lur bat haratago"

Horrela hasiz gero, lagunok, uste dut ez legokeela ados jartzerik. Ez gara makalak euskaldunok zerbaitetan ados jartzeko orduan...

Informazio zehatza

Benito — Tue, 17 Jun 2008 13:37:41 +0200

Bilbo Zaharra euskaltegikoek ekimenaren informazioa eta materialak jarri dizkigute eskura hemen.

Eztabaida eta guzti, han izango naiz

ainhoa — Tue, 17 Jun 2008 01:18:29 +0200

Duela hilabete inguru irakurle izateko gonbitea jaso nuenean (EHUko irakasle guztiok jasotakoa), egia esan ez nuen gehiegi pentsatu: nire prestutasuna erakutsi nien antolatzaileei eta bertan izango naiz ostegun eguerdian nire pasartetxoa irakurtzen (ozenki irakurtzea oso gustuko ez badut ere).

Ez nuen gehiegi pentsatu, On Kixoterekin egiten denaren usaina hartu nion, jakina, baina polita iruditu zitzaidan irakurraldiaren ideia, hainbeste pertsona bata bestearen atzean euskarazko liburu bat irakurtzen. "Hamaika pauso" irakurtzera ere joango nintzateke -datorren urtean akaso?-, ez naiz klasikozalea ere.

Eztabaidak eztabaida, ederki ari dira nekatzen antolatzaileak ikasleei merezi duten errekonozimendua adierazi ahal izateko. Baina, alajaina, ze kritika mamitsuak egiten diren herri honetan, ze maila!

Eztabaida

Benito — Mon, 16 Jun 2008 16:28:28 +0200

Neuk ere irakurri nuen eztabaida. Egia esanda gaur irten den mezu hau aspaldian neukan programatuta gaur agertzeko eta eztabaida ondoren izan da.

Dena dela, zuk esan duzun modura, ekimena bera polita bada, eta kritikak kritika, egin arte behintzat itxaron beharko da, zer ematen duen ikusteko sikieran.

Ea zortea dagoen eguraldiarekin.

Eskerrik asko

Benito — Mon, 16 Jun 2008 16:21:07 +0200

Eskerrik asko, Aitor. Irakurrita eduki dut, eta gauza bat dela bestea dela, orain erte ez dut Sagrarioren hitzaldiaren aipamenik egin. Bego hor aipamena beraz. Ea datozen egunotan zer jorratua ematen digun.

Irakurtzeko esteka

aitor — Mon, 16 Jun 2008 12:56:41 +0200

Aurreko mezuan ahaztu egin zait esteka jartzea Sagrarioren hitzaldi osoa irakurtzeko.

Hementxe duzue.

Ekimen eztabaidatua

Aitor — Mon, 16 Jun 2008 12:51:48 +0200

Oso polita iruditzen zait ekimen hau, baina batzuk ez dira iritzi berekoak, nonbait. Bestela ikus ezazuen hemen eta hemen.

Ez dakit xaxatzeko edo ziria sartzeko idatzu zuen Ur Apalategik idatzitakoa.

Nik neuk, bestela, gustura ikusiko nuke, lan arazorik izan ezean, Karrajuaren ekarpena Arriaga Plazan. Eskerrak ez den kantatzekoa!

Berdetik horira

aitor — Sat, 14 Jun 2008 17:28:51 +0200

Bai, txapa-txoa atera zaizu, baina txapa interesgarria. Eta bertan diozunarekin erabat ados nago.
Gogoratzen duzu garai hura non "AEKn hitz egiten ikasten zen" eta "HABEn gramatika"? Garai horiek joan ziren. Gurean ("HABE" deitu horretan, baina benetan Udal Euskaltegietan) garai bat ailegatu zen zeinetan ia beste muturrera pasatu baikinen: ia debekatuta zegoen gramatika azaltzea, gaizki ikusita zegoen. Behin lankide batek ia barkamena eskatu zigun Klaustroan azalpen gramatikal bat egiteko tentazioan erori zelako. Dena ondorioztatu behar zuten ikasleek...
Garai hura ere joan zitzaigun eta orain, zuk aipatzen duzunaren haritik, ia metodo eta material guztietatik atera daiteke probetxu. KOntua erabiltzen jakitea da: zer, zertarako, nola, noiz eta norentzat...

Bukatzeko, ia hasierara itzuliko naiz:

"Aditz koadroa ikasle guztiek eskuratu nahi zuten altxorra zen Irakasle batek aditza lantzek jostailu polit bat asmatu zuen eta Mañueta karrikan txurroak nola, horrelaxe saldu genituen jostailu haiek. Ikasle eta irakasle guztien obsesioa izan zela uste dut. Nor, nori eta nork beti inguruan, euliak behiarenean bezalaxe... Azkenean nor, nori eta nork balkoitik bota behar izan genituen. Laugarren pisuan egonik, irtenbidea ez zen txarra. Denak lasaitu ginen pixka bat."
Hitzak euskaltzain onartu berria dugun Sagrario Alemanenak ditugu, bere sarrera hitzaldian botatakoak. Hitzaldian zehar HEAn gure aurretik desfilatu duten metodo eta liburuen aipua egiten da (behintzat ile urdinak orrazten hasiak garenon aurretik desfilatu dutenak) Irakurri eta gozatu!

Mekanismoak interpretatzea

Benito — Fri, 13 Jun 2008 14:00:00 +0200

Urruxulegiren hitzen interpretazioa baino gehiago, inguruan somatu dudan joera bat etorri zait akordura. Egia da urteetan "gramatikan" gehiegi fokalizatu dela hizkuntzaren irakaskuntza, askotan xedea ezagutza metalinguistikoa bera dela iruditu arteraino. Baina horren kontrako erreakzioa, ikaskuntza "natural" edo "komunikatibo" baten aldarrikapena, askotan aurrekoa ukatzera mugatu dela begitantzen zait batzuetan, haren ekarpenak ahaztuta eta "hitz egin" eta "erabili" planteamendu sinplista baten erorita sarri.

Bestalde, gogoratu nahi izan dut, beste barik, NNN eta halakoak euskararen irakaskuntzaren ingurumarian sortutako gauzak direla, kalte egiteko inolako asmorik gabe, behar bati erantzunez, eta, akatsak akats, baliagarriak izan zaizkiola jende askori (ni neu barne). Egia da, era berean, beste askorentzat oztopo eta etsipena izan direla.

Azken batean ikasteko tresnak izan dira deskribapen metalinguistiko horiek guztiak, batzuen ikas-estiloarekin bat etorri direnak eta lan bat egin dutenak. Akats nagusia akaso izan da pentsatzea guztientzako balio dutela eta horren gainean sistema bat ezarri behar dela. Hainbesteko akatsa izango litzatekeen bezala pentsatzea praktika eta erabilera soilarekin edonork ikasiko duela euskara ondo eta bizkor, gogoeta metalinguistiko barik. Askok bai agian, baina den-denek ez.

Azken batean hizkuntza ikasteko bide asko jorratu direla, eta guztiek euren ekarpena egin dutela, "fuera lehengoa!" bezalako jarrerak barik, ez litzateke zentzuzkoagoa izango, "zer falta zaigu?" galdetzea? Hau da, zerbait berri datorren bakoitzean iraultza egin beharrean oreka aurkitzen eta hobetzen saiatzea. Zeren, azken batean, zigortzailea markatutako bidetik joan ezin dena zigortzen duena da, eta bidea estua bada (era batera nahiz bestera) erraza da irtetetea.

NNN eta enparauak, horrela, ikastean ezinbestekoa den gogoeta metalinguistikoan laguntzeko tresnak izan dira, mnemoteknikoak edo tarteko hizkuntza eraikitzeko "planoak" nahi baduzu. Gure eta ikaslearen eskura daudenak eta une batean erabilgarri izan daitezkeenak. Ez dira ikaskuntzaren azkenengo xedea ez, ikaskuntzaren autobide zabalean pasabide batzuk igarotzen lagundu dezaketen seinaleak baino, ahal bada bidesariaren ordainlekutik kanpo.

Bua! A ze txapa! Eta azkenean ez dakit zure zalantza argitu dudan.

Mnemoteknia eta abar

aitor — Fri, 13 Jun 2008 12:58:44 +0200

Ez dakit, Benito, "hitzez hitz"egi ez ote duzun interpretatu Urruxulegiren artikulua. Ez dakit zenbateraino deitu nahi zion "zapaltzaile" euskal gramatikari, aditzari edo dena delakoari.

Edozein kasutan, eta zuk irekitako gogoeta-bidetik jarraituz, uste dut gaur eguneko irakasle gehienon kasuan ohikoa dela aditz sistemak (aditz sistemak aipatzen ditut bereziki berauek sortzen baitituzte buruhausterik handienak) ikasteko (memorizatzeko) hainbat trikimailu eta teknika (adibidez, baldintza nondik eratortzen den, zer nolako transformazioak egin behar diren; edo ahaleran, zein den ezaugarri-marka, subjuntiboarekin duen parekotasuna e.a.) Memoriari lagungarri zaion edozer ondo etorria da.

Ez dakit hortik zoazen...

ERAGINKORTASUNA

otto — Fri, 16 May 2008 08:16:57 +0200

Hori da aurrerapena!

Iruñezar euskaltegiko metodoak aintzat hartzekoak, benetan; urte betean horrelako aurrerapenak lortzen badituzte... gainontzekook ez dakit nora gauden begira.

Oso ondo dago, agian

arkaitz zarraga azurmendi — Thu, 15 May 2008 21:50:38 +0200

Oso ondo dago, agian txapelketa plantea daiteke!!

Tronpak

Benito — Thu, 15 May 2008 11:20:22 +0200

Gainera auzotik irten gabe... Aupa Santutxu!

Espiral saria

Patxo — Thu, 15 May 2008 10:48:42 +0200

Zorionak! Ondo merezitutako saria. Trompekin egingo dugu lehia, (eta trompatu).

Enhorabuena por el Premio

Antonio — Thu, 15 May 2008 09:32:14 +0200

Enhorabuena por el Premio Espiral Edublogs.
Un saludo.