Atzo Maite Goñik IKTeroak eta Euskaljakintzan duela gutxi sarean ipini zituen 2008ko azterketak erretiratzeko agindua jaso duela kontatu zuenetik erreakzio ugari izan dira sarean. Bistan da asuntoak euskalduntze-alfabetatzea ere ukitzen duela bete-betean, eta momentuko haserreaz gainera zer pentsatu eta zer esan asko eman dezakeela hemendik aurrera.
Ez naiz haragoko hausnarketetan sartuko oraingoz, sarean han eta hemen orain arte esan direnen loturak batu baino ez dut egingo:
- Maitek egindako lanaren berri eman zuen mezuak: IKTeroak eta Euskaljakintzan.
- Azterketak kentzeko aginduaren berri IKTeroak eta Euskajakintzan. Iruzkin partida bat egon da bietan.
- Sustatun albistea eta iruzkinak: EGArako test digitalak kenarazi dituzte saretik
- Zabaldu.com-en albistea: "Pixka bat es mucho" bene-benetan?
- Albistea Aupatun: "Pixka bat es mucho" bene-benetan?
- Teketen: nEGArgura ematen didazue
- Euskara Irakasleak-en haria: EGAko azterketak saretik kentzeko agindu dute
- Twitter-en ere ibili da kontua.
- Joxe Rojasek elkarlanean eskaera gutuna lantzeko proposamena egin du: FreeEGA.
- Mikel Iturria: EGA: bitartekoak eta helburua (euskaraz). nEGAdos (gaztelaniaz)
- EGA, saretik kanpo (Berria)
- Pixka bat baino gehiago, gehiegi (Goierriko hitza)
- Atzerapausoa euskararentzat (Jakintza ikastola)
- maite goñi vs. administrazioa (gurekuadrila.com)
- Pixka bat es mucho bene-benetan? ".Maite Goñi (Euskal Herrian Euskaraz)
- nEGArgura (Galde Gonzalez - Gaur8)
- Maite Goñiri elkarrizketa Euskadi Irratiko Amarauna saioan.
- Patxi Gaztelumendi: zaindu maite, egin duzun hori
- Blogariak Amaraunean saio osoa. Entzun.
- Ana Malagon: Krisiaren irabazleak (aipamena disclaimerrean)
- Educación obliga a una profesora a quitar de internet los exámenes antiguos de EGA (Diario Vasco)
- Euskal SEO: EGA
- EGA offline (Noticias de Gipuzkoa)
- Avalancha de reacciones en la red por eliminar apuntes de EGA de la red (Zaraobe digital)
- Teketen: Quien no llora no mama, Zorionak denei
- Estudiar EGA sólo sobre papel (Deia). Hemen Iban Asenjo, Hezkuntza saileko pedagogia-berrikuntzako arduradunaren hitzak ere jaso dira. Arrazoien artean: "hay que respetar los derechos de autor y de edición".
- De todo un poco: "Dos notas sobre el euskera"
- Josi Sierra: Euskal jakintza aurreratuegi
- Munduari so: Agur EGAko azterketak online 2007-2008
- Ainhoa Ezeiza: EGA azterketak sareratzea, elkarlana eta Iban Asenjoren adierazpena (Euskara irakasleak)
- Mikel Iturria: EGA azterketak eta Hezkuntza Sailaren bertsioa (Harrikadak)
- Josu Orbe: EGA azterketa eta txiringitoak (Saski-naski)
Ez dakit erreakzio hau inoren ipurdia ikaratzeko bestekoa izan ote den, edozelan ere gauza bat falta da hemen, eta faltan jarraituko du seguruenik: Administrazioaren azalpen argudiatua.
Interneten gabiltzan endredanteok ez ezik, jende gehiagok ere merezi duela uste dut. "Innovation" foro eta jardunaldietan komunikazioaz, partaidetzaz eta berrikuntzaz gorbatak ondo estututa nahiz "casual" populista jantzita esaten diren horiek sinestuta eta jakitun esaten diren konprobatzeko baino ez bada ere, bestela asko oposaketetako temarioan kateatuta geratu zirela pentsatu beharko dugu.
Badakizue beraz, 300 hitzeko idazlana. Argudioak ondo antolatuta, koherentziaz eta kohesioaz idatzita, jarioa, egokitasuna eta aberastasuna. Eta lasai, inoiz baino zuzentzaile gehiago egongo dira, eta ez diete ortografia errorei eta ergatiboei gehiegi erreparatuko gainera.
jasotako azkenak...
Bloga
Feedburner
Gure jarioak(OPML)
Karraju "guztiak": Xfruits
Markatu del.icio.us-en
Saiatu naiz, saiatu, ez haserretzen, hitz ematen dizuet. Hiruzpalau aldiz hasi naiz iruzkin hau idazten eta atzera-aurrera nabil, hitzak egoki hautatu ezinik.
Kontziente ote dira benetan erabaki hori hartu dutenak eragindako kalteaz eta emandako itxura eskasaz?
Zenbat gau, asteburu eta opor eman dituzu, Maite, euskal komunitateari euskara ikasten laguntzeko materialak prestatzen? Uler dezakete EJko agintariek hori zure aisialdiari denbora lapurtuz egin duzula? Uste dut hori ezin dutela irudikatu, ezin dute ulertu zer esan nahi duen horrek, zure materialak zeure onurarako gorde ordez komunitateari oparitzea, musutruk, ezta hori ere, gainera ordenagailuak, sareak eta baliabideak zuen patrikatik jarrita. Ez, hori ezin dute ulertu. Orain hasiko dira susmatzen interes politiko edo ekonomiko ezkutuak dituzula hori egiteko, besterik gabe ez direlako gai ulertzeko zer den lana borondate hutsez egitea. Guk bai, badakigu eta eskertzen dizugu benetan.
Ostegun honetako ekitaldia lehenengo urratsaren amaiera baino ez dela garbi izan ezazu. Orain gogotsuago lagunduko dizut (lagundu, ze jarraitzearena... buff!! zaila benetan, a ze martxa!). Eutsi umoreari!! mx