emagister.com formazioaren inguruko webgunea edo direktorioa da. Formaziorako gida intelegentea darabilte taglinean. Direktorioaz gainera foroen zerbitzua eskaintzen dute, eta foroon artean Foro de idioma vasco izenekoa aurkitu dugu.

Gaztelaniaz funtzionatzen du nagusiki eta nahikoa bizia dirudi. Itzulpenak eta hizkuntzaren inguruko zalantzak eskatzen dira gehien bat, baita azterketak prestatzeko edo klaseak hartzeko aholkuak ere.

 

EIZIE itzultzaileen, zuzentzaileen eta interpreteen elkarteak posta-zerrenda aktiboa dauka, EIZIEkideeK zalantzak, kontsultak, galderak eta proposamenak plazaratu eta eztabaidatzen dituzte berton.

Hala ere, itzulpengintza mundukoentzat ez ezik zerrenda hau euskara irakasle eta ikasleontzat ere interesgarria, lagungarria eta baliagarria izan daiteke oso, parte hartu gabe ere: hizkuntzaren gaineko zalantzak ezagutzeko eta aztertzeko, klaserako ideiak jasotzeko, hizkuntzaren gainean ikasteko edo, besterik gabe, irakurtzeko.

Zerrenda e-postaz jarraitu daiteke, horretarako harpidetu egin behar da

E-postaz harpidetu barik ere ikusteko eta jarraitzeko modua dago:

• RSS kanaletik:
  
• http://rss.gmane.org/gmane.culture.language.basque.itzul

• Artxiboen webgunetik:
• http://news.gmane.org/gmane.culture.language.basque.itzul/ edo
• http://postaria.com/pipermail/itzul/