Atariko

Karrajua(e)k bidalita 2008, urtarrila 5 - 20:33(e)an.

Esteka: http://www.teknopata.net/atariko/

Azalpena:

Joxe Rojas beteranoa dugu internet eta teknologia kontuetan, eta euskaltegien munduarekin ere izan du harremanik. Webgune edo bloga egin zuen lehenegoetarikoa, eta duela gutxi indarrez etorri zaigu bueltan Teknopataren Txokoarekin. Gune berrira lehengo proiektuak ere ekarri ditu, eta haien artean aspaldian garatu zuen Atariko aplikazioa dugu.

Atariko EGA azterketetako atariko probak egiten entrenatzeko software-a da. Entzutezko ulermenaren proba egiteko grabazioak ere badaude. Ordenagailuara jaitsi, instalatu, ekin eta emaitzak konprobatu. Atarikoaren webgunean dauzkagu jaitsi beharreko fitxategiak:

MacOs, MacOs X edo Windows-erako aplikazioa.
Azterketen fitxategiak. 2000. urteko azterketak dira dauden azkenak.

Atarikoaren orrian bertan dauzkazue jaisteko eta erabiltzeko instrukzioak.

Windows-eko erabiltzaileentzat ohartxo bat. Joxe Makero amorratua da, eta ariketen fitxategiak .sit formatuan daude konprimituta. Windows-en fitxategi horiek deskonprimitzeko Stuffit Expander programa beharko duzue, baina kontuz, programaren azkenengo bertsioak ez ditu .sit fitxategiak deskonprimitzen, bertsio zaharrago bat beharko duzue. Nik emuleren bidez lortu dut. Dena dela baten batek fitxategiak ZIP formatuan konprimituta nahi balitu (eta Joxek baimena emango balu), nonbait jarriko ditut eskuragai.

Hirugarren mailarekin aurten jende askok ez du atariko probarik egin beharko, eta hemen aurkituko dituzuen probak zahartxoak dira eta aspaldian eguneratu barik daudela dirudi. Baina oraindik erabilgarriak izan daitezke ariketa gisara baino ez bada ere, eta gainera, egindako lanak aipamena merezi du sikieran.

Bestalde, gogoratu sarean badela EGAko atarikoak eta bestelakoak on-line egiteko aukera:

Maite Goñik sarean ipini berri dituen 2005 eta 2006ko azterketak
E-GA proiektuaren barruan atariko proben sorta luzea daukazue.

Konpartitu mezu hau:
delicious | zabaldu zabaldu | bildu bildu

Etiketak: atarikoak | azterketak | EGA | ordenagailua | softwarea | baliabidea
View blog reactions

Erantzunak

Eztabaida honen jarioa

Aupa Benito! Eskerrik asko

Aupa Benito!

Eskerrik asko aipamenagatik. SIT konpresioa dela eta, ez larritu, oraintxe bertan jarriko naiz .SIT guztiak .ZIP formatuan konprimitzen.

Bide batez, baten bat animatzen bada, azterketa artxibo berriagoak sortzen, tartetxo bat hartuko dut nola egiten den idazteko....

Ondo segi, eta urte berri on!

Joxe

Joxe (ez da egiaztatu) | 2008, urtarrila 7 - 20:17 | erantzun honi

Zuri

Zuri eman behar zaizkizu eskerrak, Joxe, lanagatik. Eta idazteko tartetxo hori hartzen baduzu, eskerrak++
Ondo izan

Benito | 2008, urtarrila 7 - 21:21 | erantzun honi

Bidali iruzkin berria

Zure izena: *

Helb. elek.: *

The content of this field is kept private and will not be shown publicly.

Hasierako orria:

Gaia:

Iruzkina: *

Lineak eta paragrafoak automatikoki egiten dira.
Link to content with [[some text]], where "some text" is the title of existing content or the title of a new piece of content to create. You can also link text to a different title by using [[link to this title|show this text]]. Link to outside URLs with [[http://www.example.com|some text]], or even [[http://www.example.com]].
Web and e-mail addresses are automatically converted into links.
Use  to create page breaks.

Formatu aukerei buruz informazio gehiago Captcha Image: you will need to recognize the text in it.