ariketak

Wwwhat's new-ren bidez Quizlet aplikazioaren berri eduki dut. Hizkuntza ikasle eta irakasleei hitz-zerrendak egin eta beraiek lantzeko eta ikasteko tresnak eskaintzen ditu: test-ak, ariketak,...

Hemen egin dut proba tonto bat (sartzeko erregistratuta egon behar da), baina burua asko kantsatu barik, interesgarria dirudi, aparteko ezer izan barik. Baten batek erabiltzen badu eta zelan dabilen komentatu nahi badu.

Ariketak eta test-ak egiteko tresna gehiago daude sarean. Zibergelatik eta Ikteroen txokoetatik osteratxo bat egitea gomendatzen dizuet gehiagoren berri eduki edota martxan ikusteko.

Gaur Joxe Arantzabalen blogari esker Osatuz gogoratu dut. 

Osakidetzak langileen euskalduntzerako Osatuz programaren haritik era guztietarako baliabideak zabaldu dituzte. Baliabide hauek http://www.ikasbil.net/osatuz/ webgunetik eskuratu daitezke, edo haien berri jaso daiteke. Denetarik dago: entzungaiak, sekuentziak, ariketak,... eta etengabe ari dira sortzen dirudienez.

Hemen daukazue Joxe Arantzabalen Medikuak esan dit minbizia dudala liburuaren harira egindako sekuentzia adibidez.

Marcoele gaztelaniazko didaktika aldizkaria da. Aldizkarien edukietan lau atal nagusi daude: artikuluak, erreseinak, ikasmaterialak eta jarduerak. Denak dira interesgarriak, baina klaserako bereziki "actividades" atalari erreparatu diogu.

Gaztelania lantzeko jarduera batzuk aurkezten dira ale bakoitzean, mailaka sailaktuta, asko gurera ekartzeko modukoak. Ideiak behintzat.

Hona bi ale (pdf):

MENTIRAS

¿A QUÉ ME DEDICO?  

HABEren ataria. Baliabide ugari.

Ariketa bankua PDFn eta mailaka sailkatuta

Barakaldoko Udal euskaltegiaren bloga. Testuak,mintzagaiak eta baliabideen zerrendak

HABEren ikasleentzako ataria. Eduki ugari eta eguneratuak.

Ordiziako Jakintza Ikastolako DBHO 2ko euskarako irakasle eta ikasleek paratutako baliabide bilduma oparoa eta interesgarria