entzungaiak

Argia aldizkaria irakasle askok irakurgai-iturri modura sarri erabili dugu klasean, goi-mailetan gehien bat. Oraingoan webguenaren berrantolaketa egin dute, eta artikulu askotan testu idatziaz gainera testuaren inguruko argazkiak, entzungaiak eta bideoak ere eskainiko dizkigute. Irakurmena lantzeko beste formatu bateko euskarriak edukitzea lagungarria da duda barik, eta gauza berriak egiteko aukera ere egongo da.

Argian berton azaltzen dute aldaketa. 

Gainera norberaren webgunean edo blogean txertatu ei daitezke bideoak. Hemen baten bat sartu nahi izan dut probatzeko baina ez dut lortu dena dela.

Topagunea, euskara elkarteen federazioak abenduan antolatu zuen II Ikusentzunezkoen Rallyko filmak Youtuben jarri ditu ikusgai. Filma laburrak eta amateurrak kasu gehienetan, baina erabilgarriak ere izan daitezke.
Hona hemen lehenengo saria:

Aspaldian eduki dut zerbitzu honen berri, baina orain arte ez naiz probatzera animatu. Gaur Asapala elkartean aspaldian argitaratu genuen Iñaki Gaminde eta bestek sortutako Bilbotarron euskararen zuzuan CDliburuko materialekin olgetan proba hau egin dut Arbolantxako Martin eta Karmelok lehengo zapiaren jolasa azaltzen duten bideo pasarte honekin:

Ikusten duzuenez, bideoei azpitituluak ipintzeko tresna da. Bideoak euren zerbitzarian gorde daitezke, baina beste zerbitzuren batean (Youtube, Google Video,...) gordetako bideoei ere ipini ahal dizkiegu azpitituluak. Geureak izan nahiz inorenak izan.

Eta ikusten duzuenez, norberaren blog edo webgunean txertatu daitezke.

Azpitituluak ipintzea, bideo luzeetan gehien bat, apur bat astuna egin daiteke, baina aplikazio didaktikoak, bat baino gehiago okurritzen zaizkit: transkripzioak, itzulpenak, azalpenak, galderak,.. Zuei gehiago?

Gaur Joxe Arantzabalen blogari esker Osatuz gogoratu dut. 

Osakidetzak langileen euskalduntzerako Osatuz programaren haritik era guztietarako baliabideak zabaldu dituzte. Baliabide hauek http://www.ikasbil.net/osatuz/ webgunetik eskuratu daitezke, edo haien berri jaso daiteke. Denetarik dago: entzungaiak, sekuentziak, ariketak,... eta etengabe ari dira sortzen dirudienez.

Hemen daukazue Joxe Arantzabalen Medikuak esan dit minbizia dudala liburuaren harira egindako sekuentzia adibidez.

Bizkaiko euskaldunei egindako grabazioak eta haien transkripzioak. Sartzeko arazoak ematen ditu sarritan.

Bilbo Hiria irratiaren podcast-a. Irratiaren programazioa entzungai.

Argia aldizkariaren edukiak sarean. Ohiko idatzizko edukiekin batera elkarrizketetan entzungaiak ere eskaintzen dira.