baliabideak
Google Book Search
Ricardo Gomezen Filoblogiari esker asteon eduki dugu Google-en aplikazio honen erabilpenaren berri. FiloBlogiaren liburutegia Google Book Search-en.
Book Search-en bidez Google liburutegi erraldoia sortzen ari da sarean. Liburuak digitalizatu eta kontsultatzeko eran jartzen ditu. Liburuak eta haien testuak. Honetarako prestigioko liburutegi batzuen kolaborazioa dauka.
Ez da horrelako egitasmo bakarra hala ere, polemikatxoa ere sortu da kopia eskubideak direla eta ez direla eta Open Content Alliance izeneko erakundea sortu dute beste batzuek testu libreak zabaltzeko asmoz.
Edonola ere, Ricardok ederto erakutsi digu nola sortu daitekeen liburutegi pertsonala Book Search-eko liburuak hautatuz, eta liburutegi hori bistan ere jarri daiteke, konpartitzeko edo rss-aren bidez jarraitzeko.
Ricardok Euskalaritza zaharraren lanak bildu ditu berean. Nik proba egin dut hizkuntzaren didaktikaren inguruko batzuk batzen. Eta egon badaude, hori bai, ingelesez gehienak eta testuaren pasarte batzuk baino ezin dira berton kontsultatu.
Baliabide interesgarria duda barik norberaren bibliografiak osatzeko, formaziorako eta, testuak osorik sartzen badira, kontsultarako ere bai.
Estekak:
IH: Formacion ELE
International House Eastern Spain IHren barruko hizkuntz-eskola taldea da. Hizkuntz klaseekin batera irakasleen formazioa ere eskaintzen du. Aktibitate honen barruan irakasleen formazioari begirako bloga zabaldu du haren Bartzelonako eskolak.
Blog horretan formazioren inguruko albiste eta gomendioekin batera gaztelania klaserako aktibitateak ere azaltzen dituzte.
Hemen dauzkazue batzuk:
Ez dut uste beste hizkuntza baten irakaskuntzara ekartzeko egokitzeko arazo askorik emango dutenik.
Edozelan ere blog gomendagarria... eta eredugarria.
Euskaljakintza
Aspaldian geneukan aipatuta Maite Goñi ikasleekin polito atontzen joan den blog-webgune hau. Gaur Ikteroen blogean helbide aldaketa iragarri digute (bere domeinuan ezarri da: www.euskaljakintza.com), eta horrekin batera bloga eta berton batutako baliabideen berrantolaketa.
Baliabide ugari eskaintzen diren gunea izan da beti, eta -onena- Maiteren lana sarean jarraitu dugunok seguru gaude aurrerantzean gehiago eskainiko dizkigula. Euskara ikasteko eta lantzeko apuntatzeko moduko gunea duda barik.
Lan ta lan
Emun hizkuntza zerbitzuen kooperatiba lan ta lan webgunea atondu du lan mundua euskalduntzen diharduten pertsona eta erakundeei baliabide iturri eta komunikazio gune modura zabaltzeko.
Blogaz gainera baliabide zerrenda interesgarriak dauzkate berton, lan munduarekin lotutakoak, baina lanetik haragokoak ere bai, besteak beste:
Todoele.net
Aspaldian eduki dut ikusita baina ez dut hona ekarri.
Gaztelania atzerriko hizkuntza bezala irakasten dutenentzat pentsatuta dago Todoele.net ataria. Eduki eta erreferentzia ugari. Adibide batzuk:
- Actividades: klaserako jarduerak, ondo hornituta sarritan.
- Gramatika ariketak.
- Materiales: dokumentuak eta testuak.
Horrez gain, iragarkiak, inkestak, lan-poltsa, dokumentuak,... eta metabloga.
Ikasbilen edo, aldeak alde, Karrajuaren ezaugarriak ditu, tamaina handian eta ondo hornitua. Ideiak topatzeko ez da leku txarra, ezta? Eta gehiagorako ere bai.
Esteka:
Nafarroako gobernuaren EIBZren materialak
Nafarroako EIBZ-k (Euskararen Irakaskuntzarako Baliabide Zentroa)hainbat liburu eta dokumentu ditu eskuragai pdf formatuan. Eskola munduarekin lotuta daude gehienak baina guretzako gauza interesgarriak ere badaude.
Datu base dokumentalak
Sarean aurkitu daitezkeen dokumentuen datu baseak. Iktak.net-en eskutik.
Ahozkotasuna
Ahozkotasunaren inguruko bloga. Baliabide eta ideia ugari ahozko hizkuntza lantzeko.
Azken iruzkinak