Iraila 2007
Iparraldetik: ariketak eta bideoak
Iparraldeko AEK-koek euren webgunean ariketa eta bideo sorta dauzkate eskuragai.
Ariketak mailaka (1. urratsa baino ez oraingoz) eta gaika daude sailkatuta, eta pdf formatoan jaitsi ahal dira ordenagailura. Autoikaskuntzako ikasleentzako atazak dirudite. Hemen behean daukazue ale bat:
Bideoak Real Media formatoan daude eginda. Eurek egindakoak dira. Asko daude baina formatoak eta bideoen tamainak arazoak eman ditzake jaitsi eta ikusteko. Bideo bakoitzarekin galdera eta ariketa sortatxoa egoten da.
KO-I
Albiste hau irakurri dut Meneamen:
Matej Kus Motorzale txekiarra, istripu batean buruan kolpea hartu ostean, ama-hizkuntza ahaztu eta ingelesez baino ezin duela egin geratu da une batean.
Ezin izan diot konparazio txistosoa egiteko tentazioari eutsi. Ez AOI, ez Boga, ez konstruktibismoa, ez ariketa bildumarik... KOI da joera metodologiko berria, Koskorrekoan Oinarritutako Ikaskuntza. Non jo asmatzea da kontua.
Albistea apur bat fake dirudi, The Sun egunkari sentsazionalistak zabaldua. Baina kasu gehiago egon ei dira, izan ere badago Foreign accent syndrome izeneko disfuntzio bat. Buruan kolpea hartu eta beste hizkuntza edo dialekto bat derrepentean ikasi duen jendea alegia.
Kasu gehiago dokumentatu dira, BBCk berak eman du haien berri, eta aldizkari espezializaturen batean jorratu dute gaia.
Dena dela, erreprimitu baten bati buruan zartakoa emateko gogoa. KOren metodologia hobeto definitu arte behintzat. Eta ez erabili autoikaskuntzan!
Eguneraketa
Kontu honekin aspaldian ikusi nuen film laburra gogoratu dut. Irlandan gizon batek parranda baten ostean ingelesa ahaztu eta gaelikoa baino ez dakiela altxatzen da.
Fluent Dysphasia dauka izena eta Daniel O'Hara zuzendari eta idazle irlandarrarena da filma. Hemen daukazue.
O'Harak beste film interesgarri bat dauka hizkuntz-arazoen ingurukoa, Yu Ming Is Ainm Dom. Irlandara gaelikoa praktikatu eta ikastera heltzen den mutiko txinatar bati buruzkoa.
El error en el proceso de aprendizaje
Lankide baten gomendioa ekarriko dut gaur. Cuadernos Cervantes aldizkarian argitaratutako artikulua. El error en el proceso de aprendizaje.
Erroreen trataera "modernoari" zelan oratu apur bat galduta gabiltza oraindino. Artikuluak jarraibideak, informazioa eta hausnartzeko galderak ere eskaintzen dizkigu.
0708 kanpaina, adituen iritzia
Taller d3 blogean iruzkina egin du Sergio Monge komunikazioan adituak AEK eta Elkarlanen kartelen gainean.
El primero es un rollo conceptual que a ver si me lo explica alguien porque así, sin más, me ha dejado bastante frío. El segundo es un mero ejercicio de diseño gráfico. Ni posicionamiento ni idea publicitaria. Sólo publiarte.
Administrazioaren kanpainaz ere bota du iritzia.
Las campañas publicitarias de la administración en pro del Euskera son pésimas. No porque cada una sea especialmente mala en sí sino porque no hay estrategia, ni posicionamiento, ni nada de nada. Sólo una agencia diferente (espero) ganando el concurso de marras cada año
Kritikoa izan da hiru kasuetan. Estrategia eta posizionamendu falta azpimarratu du bereziki. Neuri behintzat zer pentsatua eman dit.
Bestalde, bloga eskaini du euskaltegiei sarean zabalkundea emateko, berton nahi duten euskaltegiek esteka ipinita.
Si, como es probable, este artículo adquiere un puesto alto en Google por la búsqueda “aprender euskera”, cualquier centro de enseñanza de euskera que lo solicite obtendrá un vínculo desde esta página. El vínculo probablemente ayudará a mejorar la posición de su web en los buscadores. Simplemente, dejad un comentario con el nombre del centro, su población y su dirección web o enviadme un mail a la dirección monge.sergio [arroba] gmail.com.
Ados egon nahiz egon ez, interesgarria eta estimagarria da beti adituen iritzia, eta laguntza, jakina.
- Esteka: Aprender euskera
Eguneraketa: Hemen daukazue AEKren spot-a. Ea horrela kontzeptua hobeto deszifratzen den.
Eta hemen berbaz (gaztelaniaz):
Spot gehiago dabiltza telebistan. Nik gaur Bai&By eta Aurten Baienak ikusi ditut behinik behin. Baten batek grabatu eta Euskaltube edo Youtubera igotzen baditu komentatzeko kantxa emango dugu.
0708 kanpaina eta doakoak
Aurrera doa matrikulazio kanpaina. Joan den larunbatean gehigarri hau banatu zen Vocento taldeko egunkariekin. Euskaltegi talde batek sustatu du gehigarria Ikusi, ikasi. Da el paso hacia el euskera leloarekin.
Barruan Mertxe Mugika (AEK) eta Gurutze Sarasolarekin (IKA) elkarrizketa, informazio-artikulua eta euskaltegien zerrenda.
Ikasbilen ere agertu da albistea.
Dena dela gaurko slogan indartsuena Santurtziko Udal Euskaltegiko webgunean ikusi dut: Euskara doan ikasi!! Argudio komertzial eztabaidaezina.
Santurtzin ez dituzte klaseak debalde emango hala ere. Albistea bestelakoa da, baina ez horregatik interes gutxikoa. Baliabide Zentro Birtuala antolatu dute santurtziarrek, han gunean erregistratu ostean, testuak, ikastaroak eta kontsultarako baliabideak eskainiko dituzte doan, norberak bere kontura erabiltzeko hala ere.
Era berean, gaur Maite Goñi ikteroak aspaldian zabaldu zuen EGA ikastaroa osatu eta berrantolatu duela kontatu digu. Lan polita egiten dabil Maite. Susmoa daukat hala ere euskaltegietako jendearen kolaborazio gehiago bereziki estimatuko lukeela.
Publizitateaz hasi gara, baina Santurtzikoak eta Maite ez dut uste publizitateagatik ari direnik. Baten batek pentsatuko du horrelakoekin jendea ez dela euskaltegietara etorriko akaso. Nik kontrakoa uste dut, baliabideen zabalkundeak euskara ikastera animatzeko eta euskaltegietara etortzeko gehiago egingo du animatu uxatu baino.
Hori bai irakasleari buruko min bat ekar diezaioke honek guztiak, ezin izango da materiala banatzera mugatu.
Tira ba, neuk ere egingo dut neure ekarpen txikitxoa.
Bide batez, zorionak Iruñeko Donibaneko Irrintzikoei.
Topikoak eta graziosoak
Lankide batek bidali eta iritzia eskatu dit bideo honen gainean:
"Umore bilbainitoa" dino berak. Niri Vaya Semanitaren umoreak gero eta grazia gutxiago egiten dit, topiko regatistez beteta eta txiste fazil-eskatologikora erraz ekarrita (honekin eta honekin konforme).
Hor botatzen diren batzuk gertatu, gertatzen dira, baina sketch-a prestatu duena euskaltegia barrutik ikusita baino, entzun dituen topikoetan inspiratu dela esango nuke.
Eta euskaltegia eta euskara ikastearen inguruan baditugu barre egiteko motiboak eta pasadizoak, hauek baino askoz hobeak. Ezta?
Euskaltegian apuntatuta, Vaya Semanitaren txisteak asko hobetuko lirateke seguruenik.
Aprendizaje Cooperativo: cómo empezar
Ikaskuntza kooperatiboa eta kolaboratiboa hezkuntza munduan gero eta gehiago entzuten diren kontzeptuak dira.
Gure jardunean ohikoa izaten da ikastalde batekin lan egitea, eta gero eta ohikoagoa izaten da ikastaldeen hetereogeneitatrean gaineko kezka. Maila, interes eta trebezia desberdinetako ikasleak ditugu taldean, eta gure jardunbide normalean (errutina esango luke Plisti-plastak) zailtasunak aurkitzen ditugu aniztasun horri aurre egiteko.
Ikaskuntza kooperatiboan edo kolaboratiboan (kontzeptu desberdinak ei dira) arzo horiei oratzeko bideak topatu ditzakegu, eta kontzeptu eta praktika horietan hasteko De estranjis blogean sarreratxoa eta erreferentzia intersgarriak eman dizkigute Aprendizaje Cooperativo: cómo empezar artikuluan.
Edozelan ere, sarean erreferentzia asko aurkituko dituzue bilatzaileren batean terminoak jarriz gero.
Edo honen moduko aurkezpenak
Bizikleten irudia hemendik atera dugu.
Jolasten
Euskara klasean jolasa eta talde-dinamikaren funtzioaz jabetuta dabiltza irakasle asko. Eta haien artean jolas bila dabilenik ere izaten da.
Jolasten blogean jolas bilduma aurkitu dezakezue, atalka banatuta.
Mezu bakoitzean jolasaren nondik norakoak, prozedura eta helburuak azaltzen dira fitxa batean.
Ez da azaltzen blogaren egilea nor den. Esteken artean Keima aisialdi zerbitzuen webgunea ikusten da.
Jolasen errepertorioa aberasteko leku ona beraz.
Ez litzateke ideia txarra jolas zaleak euren artxiboa zabaltzen hastea.
Argazkia: xapaburu
Errutina
Plisti-plasta |
2007, Iraila 16 - 11:00Hertzainak taldeak "aitormena" abestian errutinaren morroi bihurtu direla dio, geu ere zenbait euskaltegitako hainbat irakasle aitormen bera egin beharrean gaudela uste dut: errutinaren morroi bihurtu gara.
Kontatu zidaten (merke saltzen dizuet merke jasotakoa) EGA zela eta ez zela, goi-mailako bilera batean norbaitek auzitan jarri zuela 3. mailan ematen den formazioa. EGAk urte luzetan errutina sortu ei du (sinonimoak, berridazketak...) eta hirugarren maila desitxuratu; irtenbidea: EGA azterketa aldatzea (beste errutina bat sortzeko?)
Errutina al da gaitza ala bakarrik sintoma?
Teorian edozein mailak, baita hirugarrenak ere, helburu mailakatuak beharko lituzke eta azterketak helburu hauen betetze-maila frogatu beharko luke: Lehenengo, helburuak eta ondoren, helburu hauei dagokien azterketa (hau pellokeria!). Baina ez al da zenbaitetan alderantziz gertatzen?: hau da lehenengo azterketa eta helburu nagusia berau gainditzea denez, eskolak azterketari begira programatzea (hau aldrebeskeria!)
Norbaitek honezkero pentsatu du: baina non bizi da tipo hau? Ez al ditugu bada ikaslearen beharrak ase behar? Eta zeintzuk dira bere beharrak: behar komunikatiboak ala azterketa gainditu eta titulua lortzea, batik-bat?
Hauxe da kontua, finean egoera sozio-linguistikoak eta zenbait hizkuntza-politikak irakasleok hirugarren maila ematera bultzatu beharrean, EGA ematera bultzatu gaituela (ez da bereizketa hutsala: hementxe ikusten da argi eta garbi errutinaren morroi bihurtu gaituztela/garela). Zergatik, ordea?
Eskizofrenia hutsean mugitzen garelako, gu gure ikasleen balizko behar komunikatiboak ase nahian, ikaslearen benetako beharra administratiboa denean eta Administrazioak ere gehienetan horixe eskatzen dionean: titulua eta ez erabilera.
Gaitza eta bere sintomak zabaldu egin dira gainera: hor dituzue hizkuntz eskakizunak eta mailetako azterketak (errutina berriak)... Zeintzuk dira, ordea, errutinaren ondorioak?
Bi garai bereizi nahi nituzke: Hasierako garai batean, syllabus gramatikala besterik ez genuen eta trebetasunak alboko errepidetik zihoazen, behar besteko uztardurarik eta syllabusik gabe. Orduan azterketek gramatikaren syllabusa ez ezik, trebetasunen syllabus paraleloa ere eraiki zuten, nolabait. Ez zen hori modurik egokiena baina "prekaritate" garai hartan ezinbestekoa izan zen. HEOKen ostean, ordea, nik neuk "prekaritate" garaiok atzean uztea espero nuen; gauzak behar diren moduan egitea, alegia: helburuak definitu, trebetasunak integratu eta ebaluazioa definitu; baina ez dut halakorik ikusi; are gehiago, okerrera egin du egoerak nire ustetan.
Errutinak edukien aldetik maila erabat argaltzen du, maila komunikatiboaren esparruak mugatuz; zenbait ikasle eta irakasleri EGAn (!!!) narrazio literarioa edo umorea lantzea denbora galtzea irudituko zaio eta nekez eramango dituzu ikasleak bide horretatik bide-zidorra (idorra?) egonda.
Gaitzaren ondorioak argiak dira eta esparru asko ukitzen dituzte baina finean ikaslearen elbarritasun komunikatiboa dakarte.
Ez dira ez, betiko garai onenak!
Galdakaotar bloga
Hekzuntza Telebistaren bidez heldu zaigu Galdakaotar blogaren berri.
Jatorrizko hiztunen ahozko testuen bilduma asko egin dira Euskal Herrian, kontakizunen grabazioak eta transkripzioak gehien bat. Hizkuntzalarientzat material baliagarria izaten da ahozko corpusaren bilduma, eta neurri handi batean euskararen beraren testigantza historikoa ere bada. Hala ere, sarritan testigantzon balio linguistiko edo etnografikoari erreparatu zaie gehiago balio dokumental edo pedagogikoari baino.
Sarritan entzun dugu eskola-euskaltegietako euskara eta "benetako" euskara urrun direla bata bestetik, aste honetan berton irakurri dugu horren gaineko jardun bat erabili.com-en adibidez.
Galdakaoko proiektu honetan berrikuntza pare bat agertu direla esan daiteke. Hiztunak berba egiten duten gaiari pisua eman nahi izan zaio batetik (36ko gerra hain zuzen), eta herri hizkeraren transkripzio zehatzen ordez (azpitituluetan edo testu idatzian), berbaldunak kontatzen dutenaren laburpentxoa ematen dute azpitituluetan. Honela, arreta esanahira ekartzeko ahalegina egiten da, hizkeraren azterketa linguistiko hutsetik harago.
Euskara ikasten dabilen jende asko bertoko euskara bizirik (ahulago edo sendoago) daukan herri edo eskualde batean bizi da, eta berton ikasi gehienetan. Hala ere, ikasten duten hizkuntza inguruan noraino dagoen errotuta ez dute jakiten sarri. Eta euskara daukagun baino urrunagokotzat jotzeko erraztasuna egon daiteke.
Galdakaotar blogean egiten dutena euskara inguru hurbil horretan kokatu, ezagutu eta harekin identifikazio lokala sortzeko tresna eta ideia-iturri interesgarria izan daiteke. Hona beraz, baliabide interesgarria bateko, eta norberak egiteko ideia besteko. Frogatu digutenez, egiteko eta zabaltzeko baliabide teknikoak guztion eskura daude.
Hemen daukazue ale bat, artikulu honekin lotutakoa.
Bilatu
Azkenak
- Lorem ipsum | Blog sarrera
- Gramatikak hiztuna itotzen duenean | Blog sarrera
- XXI. mendeko ikaslea | Blog sarrera
- Helduen euskalduntzea amaitzeko tentazioa | Blog sarrera
- Iñaki Uribe HABEko Zuzendariari gutun irekia | Blog sarrera
- Kazetarien gremioari | Blog sarrera
- Dekretuak eta ebazpenak | Blog sarrera
- Ikasleen ikastaroak hornitzen | Blog sarrera
- Badaki euskara? | Artikulua
- Epailea eta iturgina | Blog sarrera
Sindikatu
Azken iruzkinak